وزیر اعلیٰ خیبر پختونخوا محمود خان نے خیبرپختونخوا اسمبلی تحلیل سے متعلق وزیراعلیٰ کی سمری گورنر کو موصول ہوگئی۔

تفصیلات کے مطابق وزیراعلیٰ خیبرپختونخوا محمود خان نے اپنا ایک ویڈیو پیغام جاری کیا جس میں ان کا کہنا تھا کہ خان صاحب سے جو وعدہ کیا تھا وہ پورا کردیا ہے اور اسمبلی تحلیل کی سمری پر دستخط کردیے ہیں۔

انہوں نے کہا کہ اسمبلی تحلیل کرنے کی ایڈوائس گورنر ہاؤس ارسال ارسال کردی۔

ان کا کہنا تھا کہ انہوں نے سواچار سال خیبرپختونخوا میں حکومت کی اور جو ہوسکا وہ عوام کے لیے کیا۔

حسب وعدہ خیبر پختونخوا اسمبلی کی تحلیل کی سمری پر دستخط کرکے گورنر کو ارسال کردی گئی ہے ۔ انشاء اللہ دو تہائی اکثریت حاصل کرکے قائد عمران خان کو دوبارہ وزیراعظم بنائے گئے ۔ pic.twitter.com/aAg43LTwCk

— Mahmood Khan (@IMMahmoodKhan) January 17, 2023

یہ بھی پڑھیں؛ موجودہ حکومت نے ہمارے بہت سے منصوبے ختم کیے ہیں، محمود خان

محمود خان نے کہا کہ اسمبلی تحلیل ہوجائیگی اور 90 دن کے اندر اندر ہم الیکشن میں جائیں گے۔

انہوں نے کہا کہ انشاء اللہ دو تہائی اکثریت سے جیت کر آئیں گے اور صرف خیبرپختونخوا میں نہیں ملک بھر میں 2 تہائی اکثریت حاصل کریں گے۔

ان کا کہنا تھا کہ اپنی کارکردگی کے بل بوتے پر الیکشن میں کامیابی حاصل کریں گے اور لوگوں سے جو وعدے کیے اس پر ڈٹے رہیں گے۔

یہ بھی پڑھیں؛ دہشتگردی کو شکست دینے کے لیے جوائنٹ اسٹریٹیجی بنانی پڑے گی، محمود خان

ان کا یہ بھی کہنا تھا کہ عوام کے لیے جو کوششیں کیں اللہ تعالی نے ہمیں کامیاب کرایا۔

وزیر اعلیٰ خیبر پختونخوا محمود خان نے مزید کہا کہ جو لوگ سمجھتے تھے کہ ایڈوائس نہیں بھیجیں گے یہ انکی بھول تھی، نہ کسی کو میسج بھیجا تھا نہ بھیجوں گا اور اگر خان صاحب حکم کریں تو اپنی جان بھی دیں گے۔