پولیس کا تفتیشی شعبہ کمزور ہے، کراچی پولیس چیف کا اعتراف

سید قاسم رضا

07th Jan, 2023. 04:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پولیس کا تفتیشی شعبہ کمزور ہے، کراچی پولیس چیف کا اعتراف

کراچی پولیس چیف نے اعتراف کیا ہے کہ پولیس کا تفتیشی شعبہ کمزور ہے۔

تفصیلات کے مطابق بول نیوز سے گفتگو کرتے ہوئے ایڈیشنل آئی جی کراچی جاوید عالم اوڈھو نے اعتراف کیا کہ کمزور تفتیش کا فائدہ مجرم کو ہی پہنچتا ہے، کمزور تفتیش کے باعث ملزمان سزا سے بچ جاتے ہیں۔

جاوید عالم اوڈھو نے کہا کہ شعبہ تفتیش ہمیشہ سے پولیس کا ویک پوائنٹ رہا ہے، ہم انویسٹی گیشن کو بہتر کرنے کی کوشش کر رہے ہیں۔

انہوں نے کہا کہ کراچی میں اسڑیٹ کرائم اہم مسئلہ ہے جس کو روکنے میں مشکلات کا سامنا ہے۔ موبائل فون کا چھننا ہمارے لیے لمحہ فکریہ ہے۔ گزشتہ سال 25 ہزار سے زائد موبائل فونز شہریوں سے چھینے گئے۔

ایڈیشنل آئی جی نے کہا کہ اسٹریٹ کرائم کے دوران شہریوں کی جان جانا ایک سنگین معاملہ بن چکا ہے۔ 100 سے زائد شہری اسٹریٹ کرائم کے دوران مارے گئے۔

جاوید عالم اوڈھو نے کہا کہ ہم نے گزشتہ سال آٹھ ہزار سے زائد اسٹریٹ کرمنلز پکڑے۔

ان کا مزید کہنا تھا کہ ملک کے معاشی حالات کی وجہ سے بھی اسٹریٹ کرائم میں اضافہ ہوا۔ دو لاکھ کے قریب مزدور صرف کراچی میں بےروزگار ہوئے ہیں۔

کراچی پولیس چیف نے کہا کہ آئی جی سندھ کے احکامات کے مطابق ایف آئی آر کے رجسٹریشن کو آسان بنانے پر کام کر رہے ہیں۔