پاکستان تحریک انصاف کے مزید 43 ارکان قومی اسمبلی کے استعفے منظور کرلئے گئے ہیں۔

تفصیلات کے مطابق اسپیکر قومی اسمبلی کی جانب سے پی ٹی آئی کے 43 ارکان کے استعفے منظور کرلئے گئے ہیں ۔

اسپیکر قومی اسمبلی نے استعفے منظور کر کے الیکشن میں کو بھجوا دیئے ہیں جبکہ پی ٹی آئی ارکان کو ڈی نوٹیفائی کرنے کی ہدایت بھی جاری کی ہے تاہم الیکشن کمیشن استعفے منظور کرنے یا نہ کرنے سے متعلق کچھ دیر میں فیصلہ کرے گا۔

یہ بھی پڑھیں: پی ٹی آئی کے 44 اراکین قومی اسمبلی کا استعفے واپس لینے کا فیصلہ

خیال رہے کہ ریاض فتیانہ، طالب نکئی، یعقوب شیخ، سنیلہ رتھ، غزالی کیفی، فاروق اعظم لک، نفیسہ خٹک، طاہر صادق، صاحبزادہ محمد محبوب سلطان  سمیت حاجی امتیاز چوہدری، زل ہما، نوشین حامد، غلام بی بی بھروانہ کے استعفے منظور کئے ہیں ۔

واضح رہے کہ گزشتہ روز پاکستان تحریک انصف کے ارکان اسمبلی کی جانب سے استعفے واپس لے لئے گئے تھے جس کے متعلق اسپیکر قومی اسمبلی کو بذریعہ ای می، واٹس ایپ آگاہ بھی کیا گیا تھا۔

علاوہ ازیں پی ٹی آئی نے اس معاملے پر الیکشن کمیشن کو ایک مراسلہ بھی لکھا تھا جس میں استعفوں کی واپسی کے متعلق بتایا گیا تھا۔

اس حوالے سے عامر ڈوگر نے پی ٹی آئی ایم این ایز کے ہمراہ الیکشن کمیشن کے باہر پریس کانفرنس  کرتے ہوئے کہا تھا کہ ابھی ہماری چیف الیکشن کمشنر سکندر سلطان راجہ اور الیکشن کمیشن کے دیگر ارکان سے تفصیلی ملاقات ہوئی ہے او ہم نے تمام تحفظات سے آگاہ کیا کہ کس طرح ہمارے 10 مہینے اسپیکر نے ہمارے استعفے روک کے رکھے ہیں۔

انہوں نے بتایا کہ اب مرحلہ وار ہمارے استعفے منظور کیے جارہے ہیں  لیکن آج ہم نے سیاسی حکمت عملی کے تحت 45 استعفے ودڈرا کرنے کا فیصلہ کیا تو ہمارے لیے پارلیمنٹ کے دروازے بند کردیے گئے۔

انہوں نے بتایا کہ ہم نے 45 ایم این ایز کی لسٹ الیکشن کمیشن کے سامنے رکھی ہے  اور یہ درخواست ای میل بھی کیا ، واٹس ایپ بھی کیا اور الیکشن کمیشن کے پانچوں ممبران کو بھی جمع کرادی، اس کے بعد کوئی آئینی اقدام ہوتا ہے تو اسپیکر قومی اسمبلی اس کے ذمہ دار ہوں گے ۔