مسلم لیگ (ن) پنجاب کے سینئر رہنما ملک احمد خان نے کہا ہے کہ نگران وزیر اعلیٰ کیلئے حکومت کی جانب سے متنازعہ شخصیات کے نام دیے گئے۔

تفصیلات کے مطابق مسلم لیگ (ن) پنجاب کے سینئر رہنما ملک احمد خان نے میڈیا سے گفتگو کرتے ہوئے کہا کہ بدقسمتی سے متفقہ فیصلہ یہی ہے کہ کسی نام پر اتفاق  نہ ہو سکا، حکومت کی جانب سے متنازعہ شخصیات کے نام دیے گئے، فیڈرل پبلک کمیشن کے افسر کا نام بھی متنازعہ ہے کیونکہ آئین میں اس پر واضح ہے۔

محسن نقوی کو ذاتی پسند یا نہ پسند کی وجہ مسترد کیا گیا

ملک احمد خان نے کہا کہ عمران خان کی تین سال نیب سے احد چیمہ کے خلاف کیسز بنائے گئے، سو فیصد یقین تھا کہ احد چیمہ ہو جائے گا لیکن آپ کی نیب کے سیاہ ترین چار سال تھے، اکتیس ممبرز کے حکومتی لوگ تھے، محسن نقوی پر کوئی بات نہیں اگر میڈیا چینل پر کوئی بات آئی تو اس کی مذمت کی گئی، محسن نقوی کو ذاتی پسند یا نہ پسند کی وجہ مسترد کیا گیا۔

ان کا کہنا تھا کہ اعتراض لگایا نصیر خان کو کہا دوہری شہریت تھی، جو وزیر اعلیٰ ہو سکتا ہے وہ کوئی بھی ہو سکتا ہے جو آئین میں لکھا ہے، ایسا شخص جو اہل ہی نہ ہو اسے کیسے نگران وزیر اعلیٰ بنا دیں؟ تحریک انصاف نے کہا یہ نام ہیں مان لیں ورنہ سپریم کورٹ جائیں گے، پرویز الٰہی نے کیسے کہہ دیا سپریم کورٹ جائیں گے جب فیصلہ الیکشن کمیشن کے پاس گیا ہی نہیں؟

انہوں نے کہا کہ عمران خان سوشل میڈیا کا بلبلا ہے، میری چوائس محسن نقوی ہے کیونکہ وہ غیر متنازعہ ہے، سیاسی معاملات عدالت میں جائیں گے تو افسوس ہو گا۔

ضرور پڑھیں؛ نگران وزیر اعلیٰ پنجاب کی تقرری؛ پی ٹی آئی نے دو نام فائنل کر لیے