سندھ ہائیکورٹ، بلدیاتی الیکشن سے متعلق پی ٹی آئی کی درخواست ناقابل سماعت قرار
عدالت نے بلدیاتی الیکشن سے متعلق پاکستان تحریک انصاف (پی ٹی آئی) کی درخواست ناقابل سماعت قرار دے دی ہے۔
تفصیلات کے مطابق سندھ ہائی کورٹ نے پیپلز پارٹی رہنما نجمی عالم کے بلدیاتی الیکشن میں حصہ لینے کے خلاف پی ٹی آئی کی درخواست مسترد کردی۔
تحریک انصاف کے وکیل شہاب امام نے کہا کہ نجمی عالم واٹر بورڈ کے وائس چیئرمین ہیں اور الیکشن میں حصہ لے رہے ہیں، سرکاری عہدے پر رہتے ہوئے الیکشن میں حصہ لینا خلاف قانون ہے۔
عدالت نے پی ٹی آئی کے وکیل سے سوال کیا کہ آپ نے کاغذات نامزدگی کو چیلنج کیا تھا؟ اس پر وکیل شہاب امام نے کہا کہ صوبائی الیکشن کمیشن کو درخواست دی تھی مگر کوئی جواب نہیں آیا۔
Advertisement
سندھ ہائی کورٹ کے چیف جسٹس نے استفسار کیا کہ آپ کے پاس اپیل کیلئے مجاز اتھارٹی کیا ہے؟ اگر نجمی عالم منتخب بھی ہوگئے تو آپ کے پاس اپیل کا فورم ٹریبونل ہے۔
عدالت نے ریمارکس دیے کہ آپ کو عدالت آنے سے پہلے کاغذات نامزدگی کو متعلقہ فورم پر چیلنج کرنا چاہیے تھا۔
Advertisement
عدالت نے پیپلز پارٹی رہنما نجمی عالم کے بلدیاتی الیکشن میں حصہ لینے کے خلاف پی ٹی آئی کی درخواست مسترد کرتے ہوئے ناقابل سماعت قرار دے دی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
