بلدیاتی الیکشن سے متعلق پی ٹی آئی کی درخواست ناقابل سماعت قرار

ویب ڈیسک

11th Jan, 2023. 01:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بلدیاتی الیکشن سے متعلق پی ٹی آئی کی درخواست ناقابل سماعت قرار

عدالت نے بلدیاتی الیکشن سے متعلق پاکستان تحریک انصاف (پی ٹی آئی) کی درخواست ناقابل سماعت قرار دے دی ہے۔

تفصیلات کے مطابق سندھ ہائی کورٹ نے پیپلز پارٹی رہنما نجمی عالم کے بلدیاتی الیکشن میں حصہ لینے کے خلاف پی ٹی آئی کی درخواست مسترد کردی۔

تحریک انصاف کے وکیل شہاب امام نے کہا کہ نجمی عالم واٹر بورڈ کے وائس چیئرمین ہیں اور الیکشن میں حصہ لے رہے ہیں، سرکاری عہدے پر رہتے ہوئے الیکشن میں حصہ لینا خلاف قانون ہے۔

عدالت نے پی ٹی آئی کے وکیل سے سوال کیا کہ آپ نے کاغذات نامزدگی کو چیلنج کیا تھا؟ اس پر وکیل شہاب امام نے کہا کہ صوبائی الیکشن کمیشن کو درخواست دی تھی مگر کوئی جواب نہیں آیا۔

یہ بھی پڑھیں: پی ٹی آئی کا عوام کی جان و مال کی سلامتی کیلئے بھرپور آواز اٹھانے کا فیصلہ

سندھ ہائی کورٹ کے چیف جسٹس نے استفسار کیا کہ آپ کے پاس اپیل کیلئے مجاز اتھارٹی کیا ہے؟ اگر نجمی عالم منتخب بھی ہوگئے تو آپ کے پاس اپیل کا فورم ٹریبونل ہے۔

عدالت نے ریمارکس دیے کہ آپ کو عدالت آنے سے پہلے کاغذات نامزدگی کو متعلقہ فورم پر چیلنج کرنا چاہیے تھا۔

عدالت نے پیپلز پارٹی رہنما نجمی عالم کے بلدیاتی الیکشن میں حصہ لینے کے خلاف پی ٹی آئی کی درخواست مسترد کرتے ہوئے ناقابل سماعت قرار دے دی۔