جماعت اسلامی کی جانب سے آج وزیراعلیٰ ہاؤس کے باہر دھرنا دینے کا اعلان کیا گیا ہے۔

تفصیلات کے مطابق میڈیا سے گفتگو میں امیرجماعت اسلامی کراچی نے بتاا کہ کراچی کے ساتھ ہونے والی زیادتی کے خلاف آج 4 بجے وزیراعلیٰ ہاؤس کے باہر دھرنا دیں گے۔

ووٹر لسٹ:

انہوں نے بتایا کہا کہ شہر قائد کیساتھ نا انصافی ہورہی ہے، پیپلز پارٹی نہیں چاہتی کہ کراچی کی آبادی درست گنی جائے اور یہ درست گنتی ہوئی تو سندھ اسمبلی میں نمائندگی برابر ہوجائے گی لیکن مردم شماری پر کراچی کے ساتھ ہمیشہ زیادتی ہوتی ہے۔

یہ بھی پڑھیں: گئے گزرے حالات میں بھی آدھی معیشت کراچی چلا رہا ہے، حافظ نعیم الرحمان

انہوں نے کہا کہ آخری مردم شماری کی منظوری پی ٹی آئی، ایم کیوایم کابینہ نے دی تھی۔

اس موقع پر امیرجماعت اسلامی کراچی نے کہا پہلے بھی ووٹر لسٹیں غلط تھیں جس کے تحت ایک گھر سے چھ سو ووٹ نکلتے تھے اور اس پر عدالت بھی حیران تھی۔

اسٹریٹ کرائم:

انہوں نے کہا کہکراچی میں اسٹریٹ کرائم کا مسئلہ بڑھتا جا رہا ہے، ظالم کراچی کے پڑھے لکھے نوجوانوں کو نشے کا عادی بنا رہے ہیں اور نوجوانوں کو نشے میں مبتلا کرکے معاشرتی طاقت کو کمزور کیا جارہا ہے۔

حافظ نعیم کا کہنا ہے کہ  امن و امان میں بہتری کے لیے ہمارا مطالبہ ہے کہ پولیس میں سیاسی بنیادوں پر بھرتیاں ختم کی جائیں، مقامی لوگوں کو پولیس میں شامل کیا جائے اور رینجرز کو بھی مکمل اختیار دیا جائے۔

یہ بھی پڑھیں: جماعت اسلامی کا بلدیاتی انتخابات میں تاخیر پر چیف جسٹس کو خط لکھنے کا اعلان

اس سے قبل دنیا بول ہے سے بات کرتے ہوئے حافظ انعیم الرحمان کا کہنا تھا کہ ہم ذاتی تنقید نہیں ایشو کی بنیاد پر بات کرتے ہیں، جماعت اسلامی کا موقف ہے کہ ہر صورت الیکشن ہونا چاہئے۔

انہوں نے مزید کہا کہ انہوں  نے کراچی سے ووٹ لیا لیکن کراچی کواپنا نہیں سمجھا جبکہ کراچی میں کے الیکٹرک ،مردم شماری،کوٹہ سسٹم اور ملازمتوں کے مسائل ہیں اور ان مسائل پر پی ٹی آئی کا کبھی کوئی ردعمل سامنے نہیں آتا ہے جبکہ گئے گزرے حالات میں بھی آدھی معیشت تو کراچی چلا رہا ہے۔