پاکستان اور قطر کے درمیان مختلف شعبوں میں تعاون بڑھانے پر اتفاق

عمر حیات خان

24th Jan, 2023. 11:43 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان اور قطر کے درمیان مختلف شعبوں میں تعاون بڑھانے پر اتفاق

پاکستان اور قطر کے درمیان مختلف شعبوں میں تعاون بڑھانے پر اتفاق کیا گیا ہے۔

تفصیلات کے مطابق وزیر خزانہ اسحاق ڈار کی قطری وزیر خزانہ علی بن احمد الکواری سے ملاقات ہوئی ہے۔

دوران ملاقات دونوں رہنماؤں کے درمیان باہمی دلچسپی کے امور پر تبادلہ خیال کیا گیا جبکہ وزیر خزانہ نے فیفا ورلڈ کپ کے کامیاب انعقاد پر قطری وزیر خزانہ کو مبارکباد بھی پیش کی۔

دوران ملاقات اسحاق ڈار کا کہنا تھا کہ دونوں ممالک کے درمیان تاریخی اور مضبوط تعلقات ہیں تاہم وزیر خزانہ نے علی بن احمد الکواری کو دورہ پاکستان کی بھی دعوت دی۔

اس موقع پر تجارت، ٹیکنالوجی، زراعت اور تعلیم کے شعبوں میں تعاون بڑھانے پر اتفاق کیا گیا ہے۔

خیال رہے کہ وزیر خزانہ 2 روزہ دورے پر قطر میں موجود ہیں جہاں وہ وانائی تجارت اور سرمایہ کاری کے امور پر مذاکرات کریں گے۔

ذرائع وزارت خزانہ کا کہنا ہے کہ حکومت بھکی اور حویلی بہادر شاہ پاور پلانٹس کو قطر کو فروخت کرنا چاہتی ہے۔

ذرائع کا مزید کہنا ہے کہ قطر کراچی اور اسلام آباد ایئرپورٹ کے لیے سرمایہ کاری میں بھی دلچسپی رکھتا ہے۔

مزید پڑھیں: اسحاق ڈار کے اثاثے بحال