سندھ کابینہ کی جانب سے کراچی اور حیدرآباد کی حلقہ بندیوں کا نوٹیفکیشن واپس لے لیا گیا ہے۔

تفصیلات کے مطابق وزیراعلیٰ ہاؤس میں اہم اجلاس کے بعد پیپلزپارٹی رہنماؤں نے پریس کانفرنس کرتے ہوئے اعلان کیا ہے کہ سندھ حکومت نے کراچی کی حلقہ بندیوں سے متعلق نوٹی فکیشن واپس لے لیا ہے۔

کراچی اور حیدرآباد میں حلقہ بندیوں کا نوٹیفکیشن واپس

Advertisement

نئی حلقہ بندیوں کے تحت الیکشن ہوں گے
سندھ کابینہ نے ECP کو مراسلہ بھیج دیا#BOLNews #ElectionCommission pic.twitter.com/WJlgeT7Wbh

— BOL Network (@BOLNETWORK) January 12, 2023

اس موقع پر شرجیل انعام میمن نے کہا کہ ایم کیو ایم کو حلقہ بندیوں پر تحفظات ہیں اور ہم چاہتے ہیں اتحادیوں کے مطابات کو سنجیدہ لیا جائے جس کو مد نظر رکھتے ہوئے بلدیاتی انتخابات سے متعلق الیکشن کمیشن کو خط لکھ چکے ہیں۔

یہ بھی پڑھیں: کراچی اور حیدرآباد میں حلقہ بندیوں کا نوٹیفکیشن واپس، الیکشن کمیشن کو مراسلہ ارسال

انہوں نے بتایا ہے کہ کراچی اورحیدرآباد میں 15 جنوری کو الیکشن نہیں ہورہے ہیں۔

خیال رہے کہ اس سے قبل وزیراعلیٰ ہاؤس میں وزاعلیٰ سندھ سید مراد علی شاہ سے متحدہ قومی موومنٹ کے وفد کی فاروق ستار کی سربراہی میں ملاقات ہوئی۔

ملاقات کے دوران وزیراعلیٰ سندھ نے کہا کہ ایم کیو ایم ہماری اتحادی ہے ساتھ لیکر چلینگے اور ان کو بتایا کہ سندھ کابینہ نے کراچی حیدراباد کی حلقہ بندیوں کا نوٹیفکیشن واپس لے لیا  ہے۔

کراچی میں بلدیاتی انتخابات ملتوی

Advertisement

شرجیل میمن کا بڑا بیان آگیا#BOLNews #ElectionPostponed pic.twitter.com/DkhfSOaVtY

— BOL Network (@BOLNETWORK) January 12, 2023

اس فیصلے پر ایم کیو ایم وفد نے سندھ حکومت بالخصوص بلاول بھٹو زرداری اور آصف زرداری کا شکریہ ادا کیا۔

فاروق ستار کا کہنا تھا کہ آصف زرداری نے وعدہ کیا وہ پورا کیا جس کے بعد ایم کیو ایم پاکستان نے احتجاج کی کال واپس لے لی۔

اس حوالے سے ایم کیو ایم وفد نے وزیراعلیٰ سندھ کو احتجاج کی کال واپس لینے سے متعلق آگاہ کردیا گیا ہے۔

یہ بھی پڑھیں؛ بلدیاتی انتخابات نہیں ہونے دیں گے، تمام دھڑوں کے انضمام کے بعد ایم کیو ایم کا اعلان