پی ٹی آئی ارکان کے استعفوں کے بعد قومی اسمبلی سیکرٹریٹ متحرک ہوگئی ہے جس کے تحت  سی ڈی اے کو پارلیمنٹ لاجز مستعفی پی ٹی آئی ارکان سے لاجز خالی کرانے کی ہدائت کردی ہے۔

تفصیلات کے مطابق پی ٹی آئی کے 81 وہ ارکان قومی اسمبلی جن کے استعفے منظور کرلئے گئے ہیں ان پی ٹی آئی مستعفی ارکان کو پارلیمنٹ لاجز کی رہائش گاہیں خالی کرانے کے لئے ایک ہفتے کا وقت دیا گیا ہے۔

یہ بھی پڑھیں: پی ٹی آئی کے مزید 43 ارکان قومی اسمبلی کے استعفے منظور

پارلیمنٹ لاجز میں مستعفی پی ٹی آئی ارکان کو اپنے رہائش گاہوں کے اخراجات فوری جمع کرانے کے ہدائت کردی گئی ہے۔

اگر کسی رکن نے رہائش کا کرایہ ٹیلی فون بلز یا دیگر کوئی سرکاری اخراجات جمع نہ کرائے تو اسے اگلے الیکشن میں کاغذات نامزدگی جمع کرانے کے وقت اعتراض کا سامنا ہوسکتا ہے۔

اس حوالے سے قومی اسمبلی سیکرٹریٹ کا خط ڈائریکٹر پارلیمنٹ سی ڈی اے لاجز کو موصول ہوچکا ہے ۔

سی ڈی اے حکام کا کہنا ہے کہ ڈی نوٹیفائی ہونے والے ارکان کو کمرے خالی کرنے کیلئے 1 ہفتے کے نوٹس دیے جائنگے اور ایک ہفتے کے دوران ممبران کو کرائے اور بل کے بقایا جات ادا کرنے ہونگے ، بقایا جات ادا نہ کرنے والے ممبران سے ریکوری کیلئے لکھا جائے گا۔

حکام نے بتایا ہے کہ ڈی نوٹیفائی ہونے والے ممبران کے پاس پارلیمنٹ لاجز اور گورنمنٹ ہاسٹل کی رہائش گاہیں ہیں۔

خیال رہے کہ اسپیکر قومی اسمبلی کی جانب سے پی ٹی آئی کے 43 ارکان کے استعفے منظور کرلئے گئے ہیں ۔

اسپیکر قومی اسمبلی نے استعفے منظور کر کے الیکشن میں کو بھجوا دیئے ہیں جبکہ پی ٹی آئی ارکان کو ڈی نوٹیفائی کرنے کی ہدایت بھی جاری کی ہے تاہم الیکشن کمیشن استعفے منظور کرنے یا نہ کرنے سے متعلق کچھ دیر میں فیصلہ کرے گا۔

یہ بھی پڑھیں:پی ٹی آئی کے 44 اراکین قومی اسمبلی کا استعفے واپس لینے کا فیصلہ

خیال رہے کہ ریاض فتیانہ، طالب نکئی، یعقوب شیخ، سنیلہ رتھ، غزالی کیفی، فاروق اعظم لک، نفیسہ خٹک، طاہر صادق، صاحبزادہ محمد محبوب سلطان  سمیت حاجی امتیاز چوہدری، زل ہما، نوشین حامد، غلام بی بی بھروانہ کے استعفے منظور کئے ہیں ۔