کراچی کے علاقے گلستان جوہر بلاک 17 میں ڈکیتی کی مزاحمت پر ڈاکوؤں نے فائرنگ سے خاتون کو قتل کردیا جبکہ ملزمان فرار ہوگئے ۔

تفصیلات کے مطابق  جوہر چورنگی کے قریب مسلح ملزمان نے کار میں بیٹھی ثناء طارق نامی خاتون کو گولی مار کر قتل کردیا اور فرار ہوگئے۔

خاتون کی شناخت ثناء طارق کے نام سے ہوئی ہے جو کہ اپنے بھائی اور چھوٹے بچے کے ہمراہ میڈیکل اسٹور سے دوا لینے آئی تھی خاتون کا بھائی اور چھوٹا بچہ میڈیکل اسٹور پر تھے جبکہ خاتون اکیلی گاڑی میں بیٹھی تھیں کہ جب ملزمان نے خاتون کو نشانہ بنایا ۔

اس حوالے سے عینی شاہدین کے مطابق ڈاکووں نے دوران ڈکیتی خاتون کو گولی ماری خاتون گاڑی سے نکل کر باہر گرگئی اور ڈاکو فرار ہوگئے۔

یہ بھی پڑھیں کراچی میں ایک اور نوجوان پولیس فائرنگ سے جاں بحق، 3 اہلکار گرفتار

پولیس نے واقعے کا مقدمہ شاہراہ فیصل تھانے میں درج کرلیا جو کہ خاتون کے بھائی احسن طارق کی مدعیت میں درج کیا گیا ہے۔

درج مقدمے میں قتل اور ڈکیتی کی دفعات شامل کی گئی ہیں۔

اس حوالے سے پوسٹمارٹم کے متعلق لیڈی ایم ایل او ڈاکٹر افشاں  کا کہنا ہے کہ مقتولہ کا پوسٹ مارٹم مکمل کرلیا گیا تاہم مقتولہ کو جسم کے مختلف حصوں پر دو گولیاں لگی ہیں۔

ڈاکٹر افشاں نے بتایا کہمقتولہ کو ایک گولی گردن اور دوسری پسلی کے نیچے لگی جو کہ قریب سے ماری گئیں ہیں تاہم مقتولہ کا پوسٹ مارٹم مکمل ہونے کے بعد لاش سہراب گوٹھ ایدھی سرد خانے منتقل کردی گئی ہے۔

یہ بھی پڑھیں: کراچی میں فائرنگ کے 2 مختلف واقعات، ایک شخص جاں بحق، 3 زخمی