پیپلز پارٹی اور ایم کیو ایم میں بلدیاتی الیکشن پر تنازعہ شدت اختیار کر گیا

عارف ملک

01st Jan, 2023. 02:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پیپلز پارٹی اور ایم کیو ایم میں بلدیاتی الیکشن پر تنازعہ شدت اختیار کر گیا

متحدہ قومی موومنٹ (ایم کیو ایم) پاکستان اور پیپلز پارٹی کے درمیان بلدیاتی الیکشن پر تنازعہ شدت اختیار کر گیا ہے۔

تفصیلات کے مطابق پی ڈی ایم جماعتوں کی جانب سے ایک دوسرے کے بجھتے حکومتی چراغوں کو جلا دینے کی کوششیں جاری ہیں۔

پنجاب میں تنازعات حل کرنے کا تاثر دینے پیپلزپارٹی رہنما آصف زرادری و سندھ کے وزراء آتے ہیں، سندھ کے تنازعات حل کرنے کے لیے ن لیگ نے سندھ جانے کا فیصلہ کیا ہے۔

یہ بھی پڑھیں: تحریکِ عدم اعتماد جمع تو کروا دی نمبرکیسے پورے کریں؟ پی ڈی ایم پریشان

ذرائع نے بتایا کہ پیپلز پارٹی اور ایم کیو ایم میں بلدیاتی الیکشن پر تنازعہ شدت اختیار کر گیا ہے، وزیر اعظم شہباز شریف نے دونوں جماعتوں میں مصالحتی کردار ادا کرنے کا فیصلہ کیا ہے۔

ذرائع کا کہنا تھا کہ پیپلز پارٹی اور ایم کیو ایم میں مصالحت کے لئے مشن وفاقی وزیر سردار ایاز صادق کو سونپ دیا گیا ہے جبکہ شہبازشریف نے سردار ایاز صادق کو آج ہنگامی بنیادوں پر کراچی پہنچنے کی ہدایت کر دی ہے۔

مزید پڑھیں: کیا پی پی پی، ایم کیو ایم سے کیے گئے وعدے پورے کرے گی؟

ذرائع نے مزید بتایا کہ وفاقی وزیر سردار ایاز صادق آج کراچی جائیں گے اور کراچی میں دونوں اتحادی جماعتوں کے رہنماؤں سے ملاقات کرینگے۔

دوسری جانب وزیر اعظم محمد شہباز شریف سے ممبر پنجاب اسمبلی چوہدری اشرف علی انصاری کی ملاقات ہوئی جس میں صوبہ پنجاب کی سیاسی صورت حال پر تبادلہ خیال کیا گیا۔