وزیراعلیٰ سندھ مراد علی شاہ نے کہا ہے کہ کسی ایک شخص کی مرضی سے الیکشن نہیں ہونگے۔

وزیراعلیٰ مراد علی شاہ نے اسلام آباد میں میڈیا سے گفتگو کرتے ہوئے کہا کہ لوکل باڈی الیکشن جنرل الیکشن سے زیادہ مشکل ہوتے ہیں، سیکیورٹی کے حوالے سے مساٸل کا سامنا ہوگا، انتہاٸی حساس پولنگ اسٹیشن پر سیکیورٹی کا جاٸزہ لینگے۔

عدلیہ سے درخواست ہے کہ جھوٹے کیسز ختم کیے جائے

انہوں نے کہا کہ لوگ باتیں کرتے ہیں کہ مراد علی شاہ نے ڈیل کر لی ہے، باتیں ہورہی ہے کہ میرا کیس کراچی منتقل ہو گیا ہے۔

مراد علی شاہ نے کہا کہ میں آج بھی اسلام آباد کی عدالت میں پیش ہوا ہوں، کٸی سالوں سے ہم کراچی سے اسلام آباد کی عدالتوں میں پیش ہورہے ہیں، ہم اس کیس میں پیش ہورہے ہیں جو عوام کے مفاد کا منصوبہ تھا۔

انکا کہنا ہے کہ نوری آباد پاور پلانٹ پراجیکٹ کے الیکٹرک کا سب سے سستا منصوبہ ہے، اس ریفرنس میں ہماری درخواست پر نیب جواب دینے سے انکاری ہے۔

وزیراعلیٰ نے کہا کہ ہماری غلطی یہ ہے کہ منصوبہ جلد مکمل کیا، یہی غلطی ہے تو سینکڑوں کیسز بنتے ہیں، عدلیہ سے درخواست ہے کہ جھوٹے کیسز ختم کیے جائے، یہ کیس بنتا ہی نہیں ہے۔

یہ بھی پڑھیں: پاکستان کی معیشت ترقی کی راہ پر گامزن ہے، وزیراعلیٰ سندھ

انہوں نے کہا کہ تم اپنے گھر میں بیٹھے ہو اور وزیراعلیٰ سندھ اسلام آباد کے چکر لگا رہا ہے، نیب سے بھی حساب کتاب ہوگا، ڈیل کرنے والے ہم نہیں کوٸی اور ہے۔

اسمبلی کی مدت اگست 2023 تک ہے

مراد علی شاہ نے کہا کہ اسمبلی کی مدت اگست 2023 تک ہے، عمران خان کسی بھی کھاتے میں نہیں ہے، کرسی کا اتناہی شوق ہے تو پنجاب کا وزیراعلیٰ بن جائیں، اپنی انا کی خاطر ملک کو مشکلات کی طرف دھکیل رہا ہے۔

وزیراعلیٰ سندھ نے مزید کہا کہ وزیراعظم اور وزیر خارجہ کی کوششوں سے دس ارب ڈالرز جنیوا میں اکٹھے کیے گٸے، یہ رقم سندھ کی عوام کی بہتری کیلٸے خرچ ہونگے۔