وزیر اعظم نے کہا ہے کہ جنیوا میں سیلاب متاثرین کا مقدمہ دنیا کے سامنے رکھوں گا۔

تفصیلات کے مطابق وزیر اعظم شہباز شریف نے سماجی رابطے کی ویب سائٹ ٹویٹر پر اپنے ایک پیغام میں کہا کہ آج میرے صحبت پور دورے کا مقصد سیلاب متاثرین سے اظہار یکجہتی اور ان کو یہ احساس دلانا تھا کہ میری حکومت اور میں ان کی بحالی کے لئے سرگرم عمل ہیں۔

آج میرے صحبت پور دورے کا مقصد سیلاب متاثرین سے اظہار یکجہتی اور ان کو یہ احساس دلانا تھا کہ میری حکومت اور میں ان کی بحالی کے لئے سرگرم عمل ہیں۔ 9 جنوری کو جنیوا میں ہونے والی ڈونرز کانفرنس میں سیلاب متاثرین کا مقدمہ دنیا کے سامنے رکھوں گا۔ ۱/۲

— Shehbaz Sharif (@CMShehbaz) January 4, 2023

انہوں نے کہا کہ 9 جنوری کو جنیوا میں ہونے والی ڈونرز کانفرنس میں سیلاب متاثرین کا مقدمہ دنیا کے سامنے رکھوں گا۔

شہباز شریف کا کہنا تھا کہ آج میں نے پنجاب میں قائم  دانش اسکولوں کی طرز پر بلوچستان میں جدید سہولیات سے آراستہ 12 نئے دانش اسکولوں کے قیام کا اعلان کیا ہے۔

آج میں نے پنجاب میں قائم دانش سکولوں کی طرز پر بلوچستان میں جدید سہولیات سے آراستہ 12 نئے دانش سکولوں کے قیام کا اعلان کیا ہے۔ یہ اسکولز غریب اور پسماندہ علاقوں سے تعلق رکھنے والے بچوں کے لئے علم و ہنر اور ترقی کی نئی راہیں تلاش کرنے میں مددگار ثابت ہوں گے۔ https://t.co/2EeJYBVh8u

— Shehbaz Sharif (@CMShehbaz) January 4, 2023

وزیر اعظم شہباز شریف کا مزید کہنا تھا کہ یہ اسکولز غریب اور پسماندہ علاقوں سے تعلق رکھنے والے بچوں کے لئے علم و ہنر اور ترقی کی نئی راہیں تلاش کرنے میں مددگار ثابت ہوں گے۔