امیر جماعت اسلامی کراچی حافظ نعیم الرحمان نے کہا ہے کہ کراچی کے مختلف حلقوں کے رزلٹ تبدیل کیے جا رہے ہیں۔

تفصیلات کے مطابق امیر جماعت اسلامی کراچی حافظ نعیم الرحمان نے پریس کانفرنس کرتے ہوئے کہا کہ آج تین دن گزر گئے، ابھی تک مکمل رزلٹ نہیں آئے، کراچی کے مختلف حلقوں کے رزلٹ تبدیل کیے جا رہے ہیں۔

پی پی سندھ حکومت کے آر اوز نتائج تبدیل کرنا چاہتے ہیں

حافظ نعیم الرحمان نے کہا کہ الیکشن کمیشن نے 6 یوسیز کے نتائج پر دوبارہ گنتی کے احکامات دیے یہ ہماری کامیابی ہے، پی پی سندھ حکومت کے آر اوز نتائج تبدیل کرنا چاہتے ہیں، جماعت اسلامی نے کراچی شہر میں کام کیا ہے، اسی لئے شہریوں نے ہمیں ووٹ دیا، اگر الیکشن درست ہوتے تو جماعت اسلامی دو تہائی اکثریت سے جیت جاتی، حلقہ بندیوں کے معاملے پر جماعت اسلامی نے اواز اٹھائی۔

ان کا کہنا تھا کہ جماعت اسلامی نے الیکشن کا کڑوا گھونٹ پیا، جماعت اسلامی نے بلدیاتی الیکشن میں 94 سیٹیں جیتی ہیں، لیکن ہماری جیتی نشستیں چھین لی گئیں، الیکشن کمیشن نے 6 نشستوں پر دوبارہ گنتی کا کہا ہے، آر اوز نے فارم 11 اور 12 دینے سے انکار کیا، پی پی نے ری کائونٹنگ کے زریعے جیت رہی ہے۔

انہوں نے مزید کہا کہ وزیر اعلیٰ سندھ نے آج رابطہ کیا، مراد علی شاہ نے تحفظات دور کرنے کی یقین دہانی کرائی۔

ضرور پڑھیں؛ نتائج بدلنے کی کوشش کی تو زوردار احتجاج کا آپشن ہے، حافظ نعیم الرحمان