پاکستان میں پہلا روزہ کب ہوگا؟ ممکنہ تاریخ سامنے آگئی

ویب ڈیسک

25th Jan, 2023. 07:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان میں پہلا روزہ کب ہوگا؟ ممکنہ تاریخ سامنے آگئی

پاکستان میں ممکنہ طور پر ماہ رمضان کے پہلے روزے کی تاریخ سامنے آگئی ہے۔

تفصیلات کے مطابق متحدہ عرب امارات میں موسمیاتی ادارے کے سربراہ ابراہیم الجروان نے کہا ہے کہ اس سال رمضان کا پہلا روزہ جمعرات 23 مارچ کو ہونے کا امکان ہے۔

روزے کا دورانیہ 14 گھنٹے ہوگا اور عید الفطر جمعہ 21 اپریل کو ہونے کی توقع ہے۔

ابراہیم الجروان نے کہا ہے کہ رمضان کا چاند منگل 21 مارچ کو سورج غروب ہونے کے بعد رات نو بجکر 23 منٹ پر طلوع ہوگا۔

بدھ 22 مارچ کو شعبان کی 30 تاریخ ہوگی اور جمعرات 23 مارچ کو رمضان کا پہلا روزہ ہوگا۔

موسمیاتی ادارے کے سربراہ ابراہیم الجروان نے عید الفطر کے حوالے سے بتایا کہ شوال کا چاند جمعرات 20 اپریل کو صبح 8 بجکر 30 منٹ پر طلوع ہوگا۔

غروب آفتاب کے وقت مغربی افق پر چار ڈگری بلندی پر نظر آئے گا۔ سورج غروب ہونے کے تقریبا 22 منٹ تک دیکھا جاسکے گا۔ عید کا پہلا دن جمعہ 21 اپریل کو ہوگا‘۔

دوسری جانب پاکستان میں ممکنہ طور پر پہلا روزہ 24 مارچ کو ہونے کا امکان ہے۔

اس کے علاوہ ماہرین موسمیات کا کہنا ہے کہ چاند کی عمر 20 گھنٹے سے کم ہوگی اس لئے 23 مارچ کی شام رمضان المبارک کا چاند نظر آنے کا کوئی امکان نہیں۔