گندم و آٹا بحران؛ پرویزالٰہی نے فلور ملوں کو گندم کا سرکاری کوٹہ دگنا کردیا

ویب ڈیسک

07th Jan, 2023. 11:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گندم و آٹا بحران؛ پرویزالٰہی نے فلور ملوں کو گندم کا سرکاری کوٹہ دگنا کردیا

گندم و آٹا کے بحران کے خاتمے کیلئے وزیر اعلیٰ پنجاب چودھری پرویزالٰہی نے فلور ملوں کو گندم کا سرکاری کوٹہ دگنا کردیا ہے۔

تفصیلات کے مطابق وزیر اعلیٰ پنجاب چودھری پرویزالٰہی کی زیر صدارت اجلاس ہوا جس میں انہوںنے آٹے اور گندم کے بحران کے خاتمے کے لئے بڑے فیصلے کئے ہیں۔

پرویز الٰہی نے اعلیٰ حکام کو ہدایت کی کہ 24 گھنٹے کے اندر اندر لائحہ عمل طے کیا جائے۔

چودھری پرویزالٰہی نے کہا کہ فلور ملوں کو گندم کا یومیہ سرکاری کوٹہ بڑھا کر ڈبل کر دیا گیا ہے جبکہ صوبے بھر میں سیل پوائنٹس کو بھی دوگنا کر دیا گیا ہے۔

انہوں نے کہا کہ پنجاب بھر میں روزانہ 10 کلو آٹے کے 18 لاکھ 40 ہزار تھیلے سرکاری ریٹ پر دستیاب ہوں گے۔

وزیر اعلیٰ پنجاب چودھری پرویزالٰہی نے مزید کہا کہ سوموار سے فلور ملوں کو ان کے اپنے مطالبے سے زیادہ 26 ہزار ٹن سرکاری گندم جاری کر دی جائے گی جبکہ سرکاری کوٹہ بڑھنے سے نجی گندم اور آٹے کی قیمتوں میں نمایاں کمی آئے گی۔

اجلاس میں سیکرٹری خوراک نادر چٹھہ اور ہمیش خان نے بھی شرکت کی۔