گورنر پنجاب محمد بلیغ الرحمان نے کہا ہے کہ اتحادی حکومت کی پالیسیوں کے باعث ملک میں معاشی استحکام آنا شروع ہو گیا ہے۔

تفصیلات کے مطابق گورنر بلیغ الرحمان سے سابق صوبائی وزراء اور اراکین اسمبلی کی وفود کے ہمراہ ملاقات ہوئی جس میں ملک کی معاشی صورتحال پر گفتگو کی گئی ۔

ملک کو معاشی طور مستحکم کرنا حکومت کی اولین ترجیح ہے

ملاقات میں گورنر پنجاب نے گفتگو کرتے ہوئے کہا کہ ڈیفالٹ کرنے کا جھوٹا پروپیگنڈا کرنے والوں کو ندامت کا سامنا کرنا پڑے گا۔

انہوں نے کہا کہ اتحادی حکومت کی پالیسیوں کے باعث ملک میں معاشی استحکام آنا شروع ہو گیا ہے، ملک کو معاشی طور  مستحکم کرنا حکومت کی اولین ترجیح ہے ۔

بلیغ الرحمان نے کہا کہ دوست ممالک معاشی بحران سے نمٹنے کیلئے اپنے بھرپور تعاون اور مدد کا عندیہ دے چکے ہیں ۔

وزیر اعلیٰ کو اعتماد کا ووٹ لینا پڑے گا یہ ایک آئینی تقاضا ہے

گورنر پنجاب نے مزید کہا کہ وزیر اعلیٰ پنجاب کو آئین و قانون کے مطابق اعتماد کا ووٹ لینے کا کہا، وزیر اعلیٰ کو اعتماد کا ووٹ لینا پڑے گا یہ ایک آئینی تقاضا ہے ۔

خیال رہے کہ ملاقات کرنے والوں میں سابق وزراء رانا مشہود احمد خان، خواجہ عمران نذیر ، ایم این اے نواب شیر وسیر، ایم این اے ملک محمد ریاض، ممبران اسمبلی میاں فدا حسین وٹو ، رانا عبدالروف غزالی سلیم بٹ ، حنا پرویز بٹ سمیرا کومل ، فیصل حیات جبوانہ اور مفتی انتخاب عالم نوری شامل تھے ۔