پاکستان تحریک انصاف کی رہنما زرتاج گل نے ڈاکو اور چور اس وقت وزیر مشیر بن کر گھوم رہا ہے۔

پی ٹی آئی رہنما زرتاج گل نے بول نیوز سے گفتگو کرتے ہوئے کہا کہ رجیم چینج ٹولہ پاکستان کی معاشی حالت کو ٹھیک کرنے نہیں آیا تھا، مسلط حکومت اپنے حالات ٹھیک کرنے آئی ہے۔

انہوں نے کہا کہ اس وقت ڈاکو ، چور، وزیر مشیر بن کر گھوم رہا ہے۔ وزیر فرما رہے تھے مارکیٹیں جلدی بند کریں گے تو بچے کم پیدا ہوں گے۔

زرتاج گل نے کہا کہ ملکی حالت یہ ہے کہ باپردہ خواتین آٹے کی لائنوں میں لگی ہیں، آٹا مل نہیں رہا، عوام خودکشی کرنے پر مجبور ہیں۔

پی ٹی آئی رہنما نے مزید کہا کہ وزیراعظم شہبازشریف بھیک مانگنے کے نئے نئے طریقے بتاتے ہیں ، تمام مسائل کا حل ملک میں جلد صاف شفاف الیکشن ہیں۔

اس سے قبل پاکستان تحریک انصاف کی رہنما زرتاج گل نے میڈیا سے گفتگو کرتے ہوئے کہا تھا کہ پاکستان کی خواتین عمران خان کے ساتھ کھڑی ہیں جبکہ باقی جماعتوں میں لیڈر بننے کے لیے مریم کا پرس اٹھانا پڑتا ہے لیکن ہماری جماعت میں پڑھی لکھی خواتین ہیں جو اپنا حق جانتی ہیں۔

ان کا کہنا تھا کہ اس پارٹی میں خواتین ونگ ہی نہیں ہے تو اس پارٹی کو ختم ہو جانا چاہیئے جبکہ یہ چاہتے ہیں خواتین کو ماریں پیٹیں یہ سمجھتے ہیں خواتین کا سیاست سے تعلق نہیں ہے۔

پی ٹی آئی رہنما زر تاج گل نے مزید کہا تھا کہ الیکشن نہ کرا نے کا پی ٹی آئی کو نقصان نہیں ہے، الیکشن نہ کرانے کا نقصان پی ڈی ایم کو ہے۔