سندھ؛ نصاب کی تیاری کے سلسلے میں تاریخی ورثے کے موضوعات شامل کرنے کے حوالے سے اہم پیش رفت

راجہ عمران

30th Jan, 2023. 08:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ؛ نصاب کی تیاری کے سلسلے میں تاریخی ورثے کے موضوعات شامل کرنے کے حوالے سے اہم پیش رفت

سندھ میں نصاب کی تیاری کے سلسلے میں تاریخی ورثے کے موضوعات شامل کرنے کے حوالے سے اہم پیش رفت ہوئی ہے۔

تفصیلات کے مطابق وزیر تعلیم سندھ سید سردار نے یونیسکو کے تعاون سے ”پرائمری، مڈل اور سیکنڈری کلاس میں ورثے کے حوالے سے فریم ورک کی تیاری” کے موضوع پر منعقدہ تقریب میں شرکت کی جس میں انہوں نے کہا کہ سندھ میں نصاب سے تیاری کے حوالے سے ملک میں بہت سی مثالیں قائم کی ہیں، ہمارا بچہ جس معاشرے کا فرد بننے جا رہا ہے اس کو اس معاشرے کے وابستہ موضوعات پر تعلیم دینا چاہتے ہیں۔

وزیر تعلیم سندھ نے کہا کہ نصاب کی تیاری ایک دن کا معاملہ نہیں، تجربات اور تجاویز کی بنیاد پر نصاب کو بہتر سے بہتر کرنے کی کوشش جاری رکھی جائے گی، ہماری تاریخ اور ورثہ بلکل اس حیثیت کا حامل ہے کہ ہم اس پر فخر کریں اور اپنی آئیندہ نسلوں کو اس متعلق آگاہی دیں۔

سردار شاہ نے کہا کہ تاریخ، تہذیب، آثار قدیمہ اور ماضی کے متعلق معلومات دینے سے تحقیق اور اس کی حفاظت کو یقینی بنانے میں مدد ملے گی۔

ان کا کہنا تھا کہ غیر جانبدار اور مختلف بین الاقومی اداروں نے دیگر صوبوں کے مقابلے میں سندھ کے نصاب کو بہتر قرار دیا ہے۔

ضرور پڑھیں؛ سید سردار شاہ کا کراچی کے مختلف اسکولز کا اچانک دورہ