وزیراعلیٰ پنجاب چوہدری پرویز الٰہی نے کہا ہے کہ ہم نے ہمیشہ بھائی چارے کی سیاست کو فروغ دیا ہے۔

تفصیلات کے مطابق میڈیا سے گفتگو کرتے ہوئے وزیراعلیٰ پنجاب چوہدری پرویز الٰہی نے کہا ہے کہ گزشتہ 300 سالوں نے اسمبلیاں بننے کا سلسلہ چلا آرہا ہے جس میں صرف ایک بار ایسا ہوا تھا کہ جب ایک برٹش کو قتل کیا گیا تھا  جس کے بعد وہ واقعہ ایک بدنما داغ بن گیا تھا اور ہماری تاریخ میں ایسا ہوا کہ پولیس اسمبلی کے اندر آئی۔

انہوں نے بتایا کہ کبھی پولیس اسمبلی کے اندر آ ہی نہیں سکتی ہے لیکن ایسا ہوا اور ان کی آڑ میں ان کے غنڈوں نے آکر ہنگامہ آرائی کی صورتحال پیدا کی جبکہ اس واقعے میں ہمارا ہی ڈپٹی اسپیکر بھاگ گیا تھا ۔

انہوں نے مزید کہا کہ اس واقعے میں بہت سے لوگ زخمی بھی ہوئے تھے جس میں خواتیں اراکین بھی شامل تھیں  اور کچھ اب بھی زیر علاج ہیں۔

یہ بھی پڑھیں: چوہدری پرویز الٰہی کے کھیل

وزیراعلیٰ پنجاب نے کہا کہ پنجاب اسمبلی میں پیش آنے والے اس واقعے کو ہم بھلا نہیں سکتے ہیں اور جنہوں نے یہ کیا ہے ان پر یہ ایک بدنما داغ ہے جو کہ تاریخ کا حصہ ہے اور آگے بھی رہے گا۔

ان کا کہنا تھا کہ ان تمام صورتحال کے باوجود ہم نے بھائی چارے کی سیاست کو فروغ دیتے ہوئے بنائے جانے والے تمام بلوں کی منظوری میں انہیں بھی شامل کیا ہے جبکہ ہمیں ان کی ضرورت نہیں تھی لیکن اچھے کام میں ن لیگ کو بھی شامل کیا گیا ہے۔

انہوں نے بتایا کہ ن لیگ برے کاموں کے بادشاہ ہیں اور انہیں ان کاموں سے کوئی روکنے والا بھی نہیں ہے۔

انہوں نے کہا کہ یہ لوگ ہر 10 سال بعد آجاتے ہیں اور جہاں سے ٹرین انہوں نے چھوڑی ہوتی ہے وہی سے دوبارو شروع کرتے ہیں لیکن ہم نے ہمیشہ بھائی چارے کی فضا میں کام کرنے کی ترجیح دی ہے۔

پنجاب اسمبلی کی نئی عمارت کا افتتاح

وزیراعلیٰ پنجاب چوہدری پرویز الٰہی نے پنجاب اسمبلی کی نئی عمارت کا باقاعدہ افتتاح کر دیا ہے۔

انہوں نے بتایا کہ نئی اسمبلی میں اگلے 100سال کی ضرورت کو مد نظر رکھتے ہوئے500ارکان کی گنجائش موجود ہے جبکہ 200افراد کیلئے Ayes Lobby اور 200افراد ہی کے لئے Noes Lobby بنائی گئی ہے

انہوں نے بتایا کہ اسپیکر چیمبر افسران،میڈیا اوروزیٹرز کیلئے 800افراد تک کی گنجائش ہے جبکہ نئی اسمبلی میں وزیراعلیٰ، اسپیکر، ڈپٹی اسپیکر، وزراء اورلیڈر آف اپوزیشن کیلئے سیکرٹریٹ بلڈنگ میں دفاتر بنائے گئے۔

اسکے علاوہ 3کمیٹی روم اورایک کانفرنس روم کے علاوہ لائبریری اورکیفے ٹیریا کی بھی سہولت موجو دہے جبکہ 400 گاڑیوں کی پارکنگ رکھی گئی ہے۔

یہ بھی پڑھیں: اقلیتوں کے حقوق کا تحفظ ہمارا فرض ہے، چوہدری پرویز الٰہی