Advertisement

ابتدائی اطلاعات کے مطابق آج صبح 7:34 پر نیشنل گرڈ کی سسٹم فریکوئنسی کم ہوئ جس سے بجلی کے نظام میں وسیع بریک ڈاؤن ہوا
سسٹم کی بحالی پر کام تیزی سےجاری ہے

— Ministry of Energy (@MoWP15) January 23, 2023

وزیر توانائی کا دعویٰ 

وزیر توانائی خرم دستگیر نے ملک بھر میں بجلی کی بحالی کے لیے رات 10 بجے تک ڈیڈلائن دیتے ہوئے کہا کہ اسلام آباد، پشاور، ملتان اور سکھر میں بجلی تقسیم کارکمپنیزکو بجلی جزوی بحال کی گئی ہے۔

انہوں نے کہا کہ واپڈا اور کے الیکٹرک کو بجلی کی جلد از جلد بحالی کیلئے قریبی رابطے میں ہیں، کوشش ہے کہ طےکردہ ڈیڈلائن سے قبل بجلی بحال کردی جائے۔

پنجاب 

لاہور الیکٹرک سپلائی کمپنی (لیسکو) کے مطابق  لاہور سمیت تمام بڑے،چھوٹے شہر بجلی سے محروم ہیں، ابتدائی معلومات کے مطابق جنوبی وشمالی مین لائینوں میں بیک وقت فالٹ آیا ہے۔

دوسری جانب فیصل آباد، ٹوبہ ٹیک سنگھ، گوجرہ، سرگودھا، شور کوٹ، پیر محل اور ملتان ریجن سمیت دیگر کئی شہروں میں بجلی کی فراہمی معطل ہے۔

بلوچستان 

بلوچستان کے تمام اضلاع میں بھی بجلی کی فراہمی معطل ہوئی ہے اور اس حوالے سے کوئٹہ الیکٹرک سپلائی کمپنی (کیسکو) حکام کا بتانا ہے کہ گڈو سےکوئٹہ آنے والی بجلی کی دونوں ٹرانسمیشن لائنیں ٹرپ کرگئیں جس کی وجہ سے صوبے کے بڑے حصے میں بجلی کی فراہمی معطل ہو گئی۔

سندھ 

کراچی سمیت سندھ کے مختلف شہروں میں بجلی کی فراہمی صبح ساڑھے 7 بجے کے قریب معطل ہوئی، کراچی کا 90 فیصد حصہ بجلی سے محروم ہے۔

اسپتال:

بجلی کے بریک ڈاؤن سے اسپتالوں کے امور متاثر متاثر ہوئے ہیں جبکہ مریضوں کو علاج معالجے کے حوالے سے شدید دشواری کا سامنا  کرنا پڑرہا ہے۔

یہ بھی پڑھیں: وزیراعظم کا ملک بھر میں بجلی کے تعطل کا سخت نوٹس

دوسری جانب تشخیصی ٹیسٹ مشینیں بند  ہیں جبکہ آپریشن بھی متاثر ہونے کا خدشہ ہے اور آن لائن سسٹم بھی جزوی فعال  ہے۔

انتظامیہ کے مطابق بیک اپ کیلئے جنریٹر آن ہیں لیکن بڑی مشینیں چلانا ممکن نہیں ہے تاہم کوشش ہے جنریٹر سے اسپتالوں کی ایمرجینسی میں سہولیات فراہم کی جا سکیں۔

ٹرین:

بجلی کے شٹ ڈاؤن نے اورنج ٹرین اسٹیشن کے شٹر بھی شٹ ڈاؤن کروا دیئے ہیں جس کی وجہ سے مسافروں کو سفر کرنے میں مشکلات کا سامنا ہے۔

پانی:

بجلی بریک ڈاؤن کی وجہ سے دھابیجی پمپنگ اسٹیشن پر 72 انچ قطر کی 5 نمبر پائپ لائن متاثر ہوئی ہے تاہم متاثر لائن کی بحالی کا کام ہنگامی بنیادوں پر شروع کردیا گیا ہے جو کہ اگلے 48 گھنٹوں میں مکمل کیا جائے گا۔

یہ بھی پڑھیں: این ٹی ڈی سی ملک میں بجلی کا ترسیلی نظام بہتر کرنے میں ناکام

اسکے علاوہ واسا کا بوزر سپلائی بند ہو گیا ہے جبکہ شہریوں کو صرف واٹر سپلائی سے پانی فراہم کیا جارہا ۔

آئی کمپنیز:

ٹیلی کام کمپنیز کو خدمات جاری رکھنے میں دشواری کا سامنا  ہےجس کے باعث صبح سے موبائل نیٹ ورک تنصیبات بیک اپ پاور پر چلائی جارہی ہیں ۔

اس حوالے سے حکام کا کہنا ہے کہ زیادہ طویل وقت تک بیک اپ پاور پر نیٹ ورک نہیں چل سکتا ہے تاہم ٹیلی کام سروسز جاری رکھنے کے لیے نیشنل گرڈ سے بجلی کی جلد از جلد بحالی ناگزیر ہے۔