عوامی مسلم لیگ کے سربراہ شیخ رشید کا کہنا ہے کہ 15 جنوری کو ایم کیو ایم کا بھی پتہ چل جائے گا۔

سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں شیخ رشید نے کہا کہ آرمی کا سپہ سالار بھی کہہ رہا ہے کہ پاکستان نازک ترین موڑ پر پہنچ گیا ہے۔

آرمی کاسپہ سالاربھی کہہ رہاہےکہ پاکستان نازک ترین موڑپرپہنچ گیاہےکپڑےبیچنےوالاشہبازبھی اعتراف کررہاہےکہ شدیدمعاشی بحران ہےاسحاق ڈارکویہ بات سمجھ نہیں آرہی PDMکاعمران خان پرہر ناکام حملہ ان کےاپنےگلےپڑرہاہے15جنوری کو MQM کابھی پتہ چل جائےگاحل صرف الیکشن ہیں ورنہ ڈیفالٹ دروازےپرہے

— Sheikh Rashid Ahmed (@ShkhRasheed) January 2, 2023

انہوں نے کہا کہ کپڑے بیچنے والا شہباز بھی اعتراف کررہا ہے کہ شدید معاشی بحران ہے اسحاق ڈار کو یہ بات سمجھ نہیں آرہی۔

حل صرف الیکشن ہیں ورنہ ڈیفالٹ دروازے پر ہے

 سابق وزیر داخلہ نے کہا کہ پی ڈی ایم کا عمران خان پر ہر ناکام حملہ ان کے اپنے گلے پڑ رہا ہے۔

عوامی مسلم لیگ کے سربراہ نے کہا کہ 15 جنوری کو ایم کیو ایم کا بھی پتہ چل جائے گا، حل صرف الیکشن ہیں ورنہ ڈیفالٹ دروازے پر ہے۔

سابق وفاقی وزیر نے کہا کہ سیاسی، معاشی اور سماجی استحکام ہی قومی سلامتی ہے، امید ہے اس پر آج کچھ فیصلہ ہو گا۔

حکمرانوں کی اپنی دولت بیرون ملک بینکوں میں محفوظ ہے

 انہوں نے کہا کہ 87  ارب ترقیاتی کاموں پر ممبروں کو 2 ارب بلاول کے دوروں پر اور 2 ارب کمپنی کی مشہوری پر لگا دیا۔

77 شیخ رشید نے مزید کہا کہ وزراء کے بحری بیڑے اور آئی ایم ایف کے شرائط غریب کے لیے ہیں، حکمرانوں کی اپنی دولت بیرون ملک بینکوں میں محفوظ ہے۔

ملک انتہائی نازک موڑ پر ہے

گزشتہ روز اپنے ایک بیان میں شیخ رشید نے کہا تھا کہ آرمی چیف جنرل عاصم منیر نے درست کہا ہے کہ معیشت اور دہشت گردی پر قومی اتفاق رائے ضروری ہے۔

سابق وزیر داخلہ نے کہا کہ ملک انتہائی نازک موڑ پر ہے، سیاسی استحکام کے بغیر معاشی استحکام کیسے آسکتا ہے۔

یہ بھی پڑھیں: پی ڈی ایم کا سیاسی جنازہ نکل گیا ہے، شیخ رشید

انہوں نے کہا کہ سیاسی عدم استحکام معاشی زوال قومی سلامتی تک پہنچ گیا، پاکستان عوام فوج اور جمہوریت لازم اور ملزوم ہے۔

سابق وفاقی وزیر شیخ رشید نے مزید کہا کہ  استحکام انتخاب لائے گا، جو فوج کرواسکتی ہے۔ 120 دن اہم ہیں۔