وزیر اعلیٰ پنجاب چودھری پرویز الٰہی نے کہا ہے کہ3 ماہ کے اندر الیکشن ہوں گے۔

تفصیلات کے مطابق سماجی رابطے کی ویب سائٹ ٹوئٹر پر وزیر اعلیٰ پنجاب چودھری پرویز الٰہی نے اپنے ایک بیان میں کہا کہ اس دفعہ الیکشن جنرل ہی ہوگا اور کچھ چیزیں ابھی پس پردہ مذاکراتی سٹیج پر بھی ہیں جبکہ لوگوں کا بھی مطالبہ ہے کہ عام انتخابات ہی ہوں۔

ایسی صورتحال سے بچانے کے لئے تمام حلقے سرجوڑ کربیٹھے ہیں اوریہی فیصلہ کر رہے ہیں آج کل۔انشاء اللہ انہیں جلد الیکشن کرانا پڑے گا اور 3ماہ کے اندر الیکشن ہوں گے۔

Advertisement

— Ch Parvez Elahi (@ChParvezElahi) January 17, 2023

انہوں نے کہا کہ ان بیوقوفوں کو سمجھ نہیں آرہی کہ ملک ڈیفالٹ کررہا ہے، خدانخواستہ کہیں سری لنکا جیسی صورتحال نہ ہوجائے جبکہ ایسی صورتحال سے بچانے کے لئے تمام حلقے سرجوڑ کر بیٹھے ہیں اور یہی فیصلہ کر رہے ہیں کہ آج کل کہ انشاء اللہ انہیں جلد الیکشن کرانا پڑے گا اور 3 ماہ کے اندر الیکشن ہوں گے۔

ان کا کہنا تھا کہ شریف مامے تو لاہور کے بنتے ہیں لیکن لاہور کیلئے انہوں نے کوئی کام نہیں کیا۔

یہ بھی پڑھیں؛ چودھری پرویز الٰہی کی ماحول دوست ہائبرڈ بسوں کی خریداری کے عمل کو تیز کرنے کی ہدایت

پرویز الٰہی نے کہا کہ شریفوں نے لاہور پر پیسے نہیں لگائے، بس کھانے پینے کا پروگرام ہوتا رہا ہے اور شریفوں نے باز تو آنا نہیں، یہ اسی طرح ہی کرتے رہیں گے۔

نوازشریف،رانا ثناء اللہ جیسے بیوقوف لوگوں اور اس ٹولے نے عام آدمی کے مسائل کو نظر انداز کیاہے۔اس ٹولے نے لوگو ں پر جھوٹے پرچے کرائے،لوگوں کو تنگ کیا اورلوگوں کی جیبوں میں ہاتھ ڈالے۔اس ٹولے نے آج تک غریب آدمی کے بارے میں نہیں سوچا۔یہ ٹولہ تو غریب آدمی کو اپنے پاس نہیں آنے دیتا تھا

— Ch Parvez Elahi (@ChParvezElahi) January 17, 2023

انہوں نے کہا کہ شریف خاندان نے کئی برس حکمرانی کی ہے لیکن نوازشریف، رانا ثناء اللہ جیسے بیوقوف لوگوں اور اس ٹولے نے عام آدمی کے مسائل کو ہمیشہ نظر انداز کیا ہے جبکہ اس ٹولے نے لوگو ں پر جھوٹے پرچے کرائے، لوگوں کو تنگ کیا اور لوگوں کی جیبوں میں ہاتھ بھی ڈالے۔

یہ بھی پڑھیں؛ سرمایہ کاروں کی انوسٹمنٹ کا تحفظ یقینی بنایا جائے گا، چودھری پرویز الٰہی

وزیر اعلیٰ پنجاب چودھری پرویز الٰہی نے مزید کہا کہ اس امپورٹڈ ٹولے نے آج تک غریب آدمی کے بارے میں نہیں سوچا، یہ ٹولہ تو غریب آدمی کو اپنے پاس نہیں آنے دیتا تھا۔

دوسری جانب ٹوئٹر پر اپنے ایک اور بیان میں وزیر اعلیٰ پنجاب چودھری پرویز الٰہی نے کہا کہ عمران خان کی قیادت میں دین کی خدمت کےکام کو آگے بڑھایا ہے۔

Advertisement

عمران خان کی قیادت میں دین کی خدمت کےکام کو آگےبڑھایاہے۔دین کےفروغ کےکام کوجاری و ساری رکھیں گے۔بلاشبہ عمران خان ہمارےلیڈر ہیں.عمران خان نے مجھ پر اعتماد کیا، عمران خان کی جماعت پاکستان کی بہت بڑی جماعت ہے۔عمران خان نے مجھے وزیراعلیٰ الیکٹ کرایا،میں ان کا احسان کیسے بھول سکتا ہوں

— Ch Parvez Elahi (@ChParvezElahi) January 17, 2023

انہوں نے کہا کہ دین کےفروغ کے کام کو جاری و ساری رکھیں گے۔

ان کا کہنا تھا کہ عمران خان کی جماعت پاکستان کی بہت بڑی جماعت ہے۔

وزیر اعلیٰ پنجاب چودھری پرویز الٰہی نے مزید کہا کہ بلاشبہ عمران خان ہمارے لیڈر ہیں اور عمران خان نے مجھ پر اعتماد کیا اور مجھے وزیراعلیٰ الیکٹ کرایا، میں ان کا احسان کیسے بھول سکتا ہوں۔