انٹیلی جنس ایجنسیز کی بروقت کارروائیوں کے باعث ملک بڑی تباہی سے بچ گیا ہے۔

پاک فوج کے شعبہ تعلقات عامہ (آئی ایس پی آر) کے مطابق انٹیلی جنس ایجنسیز کی جانب سے کارروائی کے دوران تین سہولت کاروں سمیت خودکش حملہ آوروں کا بڑا نیٹ ورک پکڑا گیا ہے۔

سکیورٹی فورسز نے خودکش حملوں کا بڑا نیٹ ورک پکڑ لیا #BOLNews #TTP pic.twitter.com/ZdIUkepIXe

— BOL Network (@BOLNETWORK) January 28, 2023

آئی ایس پی آر کا کہنا تھا کہ  دہشت گرد نیٹ ورک سے افغان موبائل سمز، منشیات اور کرنسی بھی برآمد کرلی گئی ہے۔

جمرود تختہ بیگ چیک پوسٹ پر خودکش حملہ

آئی ایس پی آر نے بتایا کہ 19 جنوری کو جمرود تختہ بیگ چیک پوسٹ پر خودکش حملہ آور داخل ہوا تھا تاہم کارروائی کے دوران حملہ آور کی فائرنگ     سے 3 پولیس اہلکار شہید ہوگئے جبکہ فائرنگ کے بعد خودکش حملہ آور نے خود کو بم اڑا لیا تھا۔

آئی ایس پی آر کے مطابق کالعدم تحریک طالبان پاکستان نے پولیس چوکی پر حملے کی ذمہ داری قبول کرلی ہے جبکہ سیکورٹی فورسز نے گولیوں کے خول، جسم کے اعضاء فرانزک کیلئے جمع کیے ہیں جبکہ جیو فینسنگ اور سی سی ٹی وی فوٹیج کا تجزیہ بھی کیا گیا ہے۔

آئی ایس پی آر نے بتایا کہ 21 جنوری کو ملنے والی معلومات کے مطابق خودکش حملے کے پیچھے عمر نامی ٹی ٹی پی رکن تھا جس کو تحصیل جمرود کے رہائشی ستانا جان نے سہولت فراہم کی گئی تھی۔

آئی ایس پی آر کا کہنا تھا کہ 23 جنوری کو انٹیلی جنس بیسڈ آپریشن میں خودکش حملہ آور سے تعلق رکھنے والے فرمان اللہ اور عبدالقیوم کو پکڑ لیا گیا جبکہ ٹی ٹی پی نے قبول کیا کہ کارروائی میں سہولت کار ستانا جانا مارا گیا ۔

آئی ایس پی آر نے بتایا کہ 27 جنوری کو 3 مشتبہ افراد کی پہلے سے موجودگی کی اطلاع پر ایک آپریشن کیا گیا تھا جس میں سہولت کار فضل امین، فضل احمد، محمد عامر اور حماد اللہ کو پکڑلیا گیا تھا اور ستانا جان کے خلاف کارروائی میں دو افغان شہری بھی پکڑے گئے۔

آئی ایس پی آر کا کہنا تھا کہ سہولت کار فضل احمد نے انکشاف کیا کہ خود کش حملہ آور افغان شہری تھا اور خود کش حملہ آور کو ستانا جان پاکستان لے کے آیا تھا۔

آئی ایس پی آر کے مطابق ستانا جان نے خود کش حملہ آور کو ہتھیار اور خود کش جیکٹ بھی فراہم کی اور سہولت کار فضل احمد نے 18 جنوری کو اپنے موبائل سے جائے وقوعہ کی تصاویر لیں۔

آئی ایس پی آر کا کہنا تھا کہ ستانا جان کالعدم ٹی ٹی پی شمالی وزیرستان کو چلا رہا تھا اور چھپنے کیلئے 4 مکانات کا استعمال کررہا تھا، یہی مکان خود کش حملوں کیلئے استعمال ہوتے تھے۔

آئی ایس پی آر نے بتایا کہ افغان خود کش حملہ آور کو افغانستان سے اس کے ہینڈلرز نے بھیجا تھا۔

یہ بھی پڑھیں: لکی مروت: پولیس اور دہشتگردوں کے درمیان جھڑپ