ڈاکٹر عثمان انور نئے آئی جی پنجاب تعینات

ویب ڈیسک

24th Jan, 2023. 12:41 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈاکٹر عثمان انور نئے آئی جی پنجاب تعینات

ڈاکٹر عثمان انور کو انسپکٹر جنرل آف پولیس پنجاب تعینات کر دیا گیا ہے۔

تفصیلات کے مطابق وفاقی حکومت نے عثمان انور کی بطور آئی جی پنجاب تعیناتی کا نوٹیفیکیشن جاری کر دیا ہے۔

عثمان انور ان دنوں بطور ایڈیشنل آئی جی موٹر وے پولیس فرائض سر انجام رہے تھے جبکہ عثمان انور کا شمار پاکستان پولیس سروس کے انتہائی پروفیشنل، ایماندار اور فرض شناس افسران میں ہوتا ہے۔

عثمان انور کا تعلق پاکستان پولیس سروس کے تئیسویں کامن سے ہے، انہوں نے 1995 میں بطور اے ایس پی پولیس سروس جوائن کی تھی اور وہ اس سے قبل پنجاب میں ایڈیشنل آئی جی سپیشل برانچ کے عہدے پر بھی تعینات رہ چکے ہیں۔

عثمان انور سی ٹی ڈی پنجاب، ایس ایس پی آپریشنز فیصل آباد، سی آئی ڈی اور چیف ٹریفک آفیسر راولپنڈی بھی تعینات رہ چکے ہیں۔

عثمان انور نے پرائم منسٹر آفس اسلام آباد، ڈی پی او اوکاڑہ، ڈی پی او سرگودھا، ٹیلی کمیونیکیشن اور ایلیٹ پولیس میں بھی فرائض سر انجام دئیے ہیں۔

عثمان انور نے پنجاب، سندھ اور اسلام آباد پولیس میں بھی اہم عہدوں پر فرائض ادا کئے ہیں۔

ڈاکٹر عثمان انور کو اہم عہدوں پر فرائض کی ادائیگی کا وسیع تجربہ حاصل ہے اور وہ اب بطور سربراہ پنجاب پولیس اپنے فرائض ادا کریں گے۔