پاکستان تحریک انصاف (پی ٹی آئی) کے رہنما علی زیدی کا کہنا ہے کہ کراچی کا حال لاڑکانہ جیسا نہیں ہونے دیں گے۔

سابق وفاقی وزیر علی زیدی نے کراچی میں میڈیا سے گفتگو کرتے ہوئے کہا کہ ہم نے الیکشن کمیشن کو خط لکھا تھا کہ الیکشن کرائیں، الیکشن کمیشن ہماری درخواست پر 15 جنوری کو الیکشن کا اعلان کیا۔

انہوں نے کہا کہ الیکشن کمیشن نے ہماری درخواست پر کارروائی نہیں کی اس لئے عدالت آنا پڑا، روز دیکھتا کوں ان کا کیا چل رہا ہے۔

جب الیکشن کی تاریخ آجائے تو تقرریاں وتبادلے نہیں کر سکتے

علی زیدی نے کہا کہ جب الیکشن کی تاریخ آجائے تو تقرریاں وتبادلے نہیں کر سکتے ، شیڈول جاری ہونے نے کے بعد نو دسمبر کو ایک حلف یافتہ کو انہوں نے ایڈمنسٹریٹر لگادیا، حلف یافتہ آپ سمجھتے ہیں، ہے تو وہ ڈی ایم جی مگر وہاں بھی حلف یافتہ ہوتے ہیں۔

پی ٹی آئی رہنما کا کہنا ہے کہ کورنگی اور دیگر اضلاع میں بھی حلف یافتہ لوگوں کو لگادیا، اگر ایسے لوگوں کو لگانا ہے تو عذیر بلوچ کا کیا قصور ہے اسے لیاری میں لگا دیں یہ جیت جائیں گے۔

پی ٹی آئی کا کسی سے کوئی انتخابی اتحاد نہیں

سابق وفاقی وزیر نے کہا کہ بارش رحمت ہے لیکن سندھ حکومت نے اس کو زحمت بنا دیا ہے، آپ آبی ذخائر کیوں نہیں بناتے؟ کراچی کا حال لاڑکانہ جیسا نہیں ہونے دیں گے۔

علی زیدی نے مزید کہا کہ پی ٹی آئی کا کسی سے کوئی انتخابی اتحاد نہیں، ہم نے بہت بڑی غلطی کی ہمیں آتے ہی بلدیاتی الیکشن کرانا چاہیے تھا، کچھ غلطیاں جان کر ہوتی ہیں کچھ غلطیاں انجانے میں ہوتی ہیں، انتخابات قریب آنے پر انتخابی اتحاد کےحوالے سے دیکھیں گے۔