پی آئی اے کی پروازیں مسلسل تاخیر کا شکار ہونے کی وجہ سے عمرہ زائرین کو مشکلات کا سامنا کرنا پڑرہا ہے۔

تفصیلات کے مطابق جدہ سے ملتان ،پشاور اور اسلام آباد جانے والی پی آئی اے کی پروازیں تاخیر کا شکار ہیں جس کی وجہ سے مسلسل شیڈول میں تبدیلیاں کی جارہی ہیں۔

جدہ سے ملتان، پشاور اور اسلام آباد جانے والی پی آئی اے کی پروازیں تاخیر کا شکار، پرواز کئی گھنٹے تاخیر کا شکار ہونے کی وجہ سے عمرہ زائرین کو مشکلات کا سامنا، عمرہ زائرین نے جدہ ایئرپورٹ پر احتجاج شروع کردیا#BREAKINGNEWS #BOLNews #PIA pic.twitter.com/MesfSy8plo

Advertisement

— BOL Network (@BOLNETWORK) January 10, 2023

پرواز کئی گھنٹے تاخیر کا شکار ہونے کی وجہ سے عمرہ زائرین کو مشکلات کا سامنا ہے تاہم مسافروں نے جدہ ایئرپورٹ پر احتجاج شروع کردیا ہے۔

مسافروں کا کہنا تھا کہ انتظامیہ پرواز میں مسلسل تاخیر کر رہی ہے۔ انہوں نے شکایت کی کہ اتنے دنوں تک ایئرپورٹ پر رہ کر ان کے پیسے ختم ہو گئے۔

انہوں نے افسوس کا اظہار  کرتے ہوئے کہا کہ یہاں ہمارے ساتھ خاندان ہیں لیکن انتظامیہ نے ابھی تک اس مسئلے کے حل کے لیے کوئی قدم نہیں اٹھایا ہے۔

انہوں نے اعلیٰ حکام سے ایئر بلیو کی پرواز میں تاخیر کا نوٹس لینے اور مسئلہ جلد حل کرنے کا مطالبہ کیا۔

خیال رہے کہ پرواز پی کے 860 نے گزشتہ رات 9.30پر روانہ ہونا تھا تاہم مسافروں کے ائیرپورٹ پر پہنچنے پر نیا ٹائم 23.55دیا گیا اور پرواز روانہ ہونے سے چند گھنٹے قبل پرواز کا نیا ٹائم دیا گیا ۔

نئے وقت کے مطابق پرواز نے 11جنوری کی صبح۔6.55 پر روانہ ہونا تھا لیکن پرواز روانہ ہونے سے قبل تیسری مرتبہ ٹائم تبدیل کیا گیا۔

مسافروں کو نیا وقت 11جنوری دن 7.40 پر بتایا گیا تھا لیکن پرواز روانہ ہونے سے قبل ہی مسافروں کو چوتھی مرتبہ وقت دیا گیا ہے اور نئے شیڈول کے مطابق اب پرواز 11جنوری دن 13.25 پر روانہ ہونگی۔