عمران خان پر قاتلانہ حملہ، وفاق کا پنجاب حکومت کی بنائی جے آئی ٹی پر عدم اعتماد

ویب ڈیسک

23rd Jan, 2023. 01:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان پر قاتلانہ حملہ، وفاق کا پنجاب حکومت کی بنائی جے آئی ٹی پر عدم اعتماد

وفاق کی جانب سے سابق وزیراعظم اور پاکستان تحریک انصاف کے چیئرمین پر وزیرآباد میں ہونے والے قاتلانہ حملے کی تحقیقات کے لئے پنجاب حکومت کی بنائی گئی جے آئی ٹی پر عدم اعتماد کا اظہار کردیا گیا ہے۔

تفصیلات کے مطابق پاکستان تحریک انصاف کے رہنما فرخ حبیب نے اپنے ایک پیغام میں بتایا ہے کہ سابقہ وزیراعظم عمران خان پر قاتلانہ حملہ کیخلاف وفاقی حکومت نے جے آئی ٹی کو مسترد کردیا ہے۔

انہوں نے کہا ہے کہ مسلسل قاتلانہ حملہ کے پیچھے کسی طاقتور کو بچانے کے لئے کور اپ چل رہا ہے۔

خیال رہے کہ عمران خان حملہ کیس میں پنجاب کی بنائی گئی جے آئی ٹی پر عدم اعتماد کر دیا گیا ہے جس کے بعد وفاقی وزارت اعلیٰ نے نئی جے آئی ٹی تشکیل دے دی ہے۔

یہ بھی پڑھیں: عمران خان پر قاتلانہ حملہ ایک منصوبہ کے تحت کروایا گیا، فرخ حبیب

اس حوالے سے ذرائع نے بتایا ہے کہ نئی جے آئی ٹی کے سربراہ راؤ سردار علی خان ہیں جبکہ جے آئی ٹی میں آئی ایس آئی ، آئی بی اور ایم آئی کے افسران بھی شامل ہونگے۔

اس سے قبل جے آئی ٹی کے سربراہ غلام محمود ڈوگر تھے جس پر وفاق نے اعتراض لگایا تھا کہ جے آئی ٹی میں سارے ممبران پنجاب سے ہیں۔

اس حوالے سے وفاق نے مؤقف پیش کیا ہے کہ آئی ایس آئی ، ایم آئی اور آئی بی کا کوئی افسر شامل نہیں ہیں جبکہ غلام محمود ڈوگر کو وفاقی حکومت نے معطل کر دیا تھا۔