کراچی میں سی ٹی ڈی کی کارروائی، داعش کا اہم کمانڈر گرفتار

ویب ڈیسک

08th Feb, 2023. 12:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں سی ٹی ڈی کی کارروائی، داعش کا اہم کمانڈر گرفتار

کراچی میں کاؤنٹر ٹیررازم ڈپارٹمنٹ (سی ٹی ڈی) نے کارروائی کرکے داعش کا اہم کمانڈر گرفتار کرلیا۔

ترجمان سی ٹی ڈی کے مطابق کراچی کے علاقے کورنگی انڈسٹریل ایریا میں سی ٹی ڈی کی چھاپہ مار کارروائی کے دوران داعش کے اہم کمانڈر عبدالمالک کو گرفتار کرلیا گیا۔

ترجمان سی ٹی ڈی کا کہنا ہے کہ ملزم نے دوران تفتیش اہم انکشافات کیے۔

ترجمان سی ٹی ڈی نے بتایا کہ ملزم سال 2011 سے داعش عبدالمنان گروپ سے وابستہ ہے۔ ملزم افغانی ہے اور کافی عرصے سے کراچی میں مقیم ہے۔

ترجمان سی ٹی ڈی نے مزید بتایا کہ ملزم رمضان کے مہینے میں چندہ اکٹھا کر کے افغانستان میں داعش کو بھیجتا تھا۔

اس کے علاوہ ملزم حوالہ ہنڈی کا کام بھی کرتا ہے۔ ملزم اب تک لاکھوں روپے حوالہ ہنڈی کے ذریعے افغانستان بھیج چکا ہے۔

ترجمان سی ٹی ڈی کے مطابق ملزم کے موبائل فون سے اہم معلومات ملی ہیں جن کا کا فرانزک معائینہ کروایا جائے گا۔ ملزم سے مزید تفتیش جاری ہے جس میں اہم انکشافات متوقع ہیں۔