پی ٹی رہنما اور سینیٹر اعجاز چوہدری نے کہا ہے کہ 27 مارچ 2022 کو حقیقی آزادی کی تحریک شروع کی گئی  تھی اور ہم حقیقی آزادی تحریک کو منطقی انجام تک پہنچائیں گے ۔

تفصیلات کے مطابق پاکستان تحریک انصاف کے مرکزی نائب صدر اور ”جیل بھرو تحریک“ کے فوکل پرسن سینیٹر اعجاز احمد چوہدری نے اہم پریس کانفرنس کرتے ہوئے کہا کہ اس ملک کو آئین کے مطابق آگے بڑھنا ہے ۔

انہوں نے کہا کہ آئین کی خلاف ورزی کرنے کی ہر کوشش پر پاکستان تحریک انصاف مزاحمت کرے گی، ہم پر امن راستہ اپناتے ہوئے آئین کی پامالی کو روکیں گے۔

انہوں نے  بتایا کہ ہم جیل بھرو تحریک کا آغاز کرنے جارہے ہیں  اور بجائے اس کے کہ امپورٹڈ حکومت ناجائز مقدمات میں صحافیوں اور ہی ٹی آئی رہنماؤں کو گرفتار کرے ، تشدد کرے ، برہنہ کرے ہم خود جیلوں میں جائیں گے۔

یہ بھی پڑھیں: سینیٹر اعجاز چوہدری جیل بھرو تحریک کے فوکل پرسن مقرر

اعجاز چوہدری نے کہا کہ 14 جنوری کو پنجاب کی اسمبلی کو تحلیل کیا گیا تھا ، 1 ماہ گزر گیا تھا ہے اب تک آئین کی خلاف ورزی کی جارہی ہے جس کے تحت گورنر اور چیف الیکشن کمشنر توہین عدالت کے مرتکب ہورہے ہیں ۔

ان کا کہنا تھا کہ ضمنی انتخابات کے لیے تو سیکورٹی موجود ہے لیکن آئین کے تحت تحلیل شدہ اسمبلیوں میں انتخابات کے لیے ان کے پاس وسائل نہیں ہیں جبکہ چیف جسٹس نے ریمارکس دیے کہ الیکشن کمیشن نومبر 2022 میں کہہ چکا ہے کہ ہم انتخابات کے لیے تیار ہیں ۔

انہوں نے کہا کہ مہنگائی نے لوگوں کی قمر توڑدی ہے  جبکہ احساس پروگرام کے تحت ، صحت کارڈ کے تحت جو سہولیات پی ٹی آئی نے دی تھیں وہ بند کی جارہی ہیں، 170 ارب کے مزید ٹیکسز لگنے جارہے ہیں ۔

انہوں نے مزید کہا کہ یہ دعویٰ کرتے تھے ہم مہنگائی ختم کریں گے، دیگر ممالک سے تعلقات بڑھائیں گے  جبکہ وزیر خارجہ افغانستان جانے کو تیار نہیں ہے، یہ لوگ خطرناک موڑ کی طرف ملک کو لے جارہے ہیں   ۔