پاک فوج کی ترکیہ میں زلزلہ متاثرین کیلئے امدادی سرگرمیاں جاری

ویب ڈیسک

09th Feb, 2023. 01:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک فوج کی ترکیہ میں زلزلہ متاثرین کیلئے امدادی سرگرمیاں جاری

پاک فوج کی جانب سے ترکیہ میں زلزلہ متاثرین کیلئے امدادی سر گرمیاں جاری ہیں۔

پاک فوج کے شعبہ تعلقات عامہ (ٓٓئی ایس پی آر) کے مطابق ترکیہ میں زلزلہ متاثرین کیلئے امدادی سر گرمیوں میں حصہ لیتے ہوئے پاک آرمی کیUrban Search & Rescue ٹیموں نے گزشتہ 24گھنٹوں کے دوران 17 مزید لاشیں ملبے سے نکال کر ورثاء کے حوالے کر دی ہیں۔

آئی ایس پی آر کا کہنا تھا کہ پاک فوج کی امدادی ٹیموں نے ملبے تلے دبے زندہ افراد کا 3 مقامات پر تعین کر لیا ہے جبکہ ملبے تلے دبے افراد کے ریسکیو کے لئے ملبہ ہٹانے کا کام جاری ہے۔

یہ بھی پڑھیں: پاک فوج کے دستے امدادی سامان کے ساتھ ترکیہ روانہ

آئی ایس پی آر نے بتایا کہ پاک فوج کی امدادی ٹیمیں ترکیہ کے صوبہ ادیامان میں ریسکیو کارروائیوں میں حصہ لے رہی ہیں ۔

آئی ایس پی آر کے مطابق شدید سرد موسم کے باوجود پاک فوج کی امدادی کارروائیاں شب وروز جاری ہے تاہم گزشتہ شب ادیامان میں منفی 8 ڈگری درجہ حرارت کے باوجود پاک فوج نے امدادی کارروائیاں جاری رکھی۔

آئی ایس پی آر کا کہنا تھا کہ ترک عوام اور ورثاء کی جانب سے بھی پاک فوج کی خدمات کی تعریف کی گئی ہے۔