پشاور پولیس لائن مسجد میں ہونے والے خودکش دھماکے میں بچ جانے والے اہلکار دوہری مشکل میں پھنس گئے ہیں۔

تفصیلات کے مطابق پشاور پولیس لائن دھماکے میں بچ جانے والے 12 سے زائد اہلکار قوت سماعت سے محروم ہوگئے ہیں۔ دھماکے کی آواز کے باعث کانوں کے پردے پھٹنے سے سننے میں مشکلات کا سامنا ہے۔

پولیس لائنز سانحہ میں زندہ بچ جانے والے پولیس اہلکار نفسیاتی طور پر بھی متاثر ہوئے تاہم بعض اہلکاروں کے کانوں کے پردے پھٹ گئے اور سننے میں مشکلات پیش آ رہی ہیں۔

دہشت گردی کے اس سانحہ میں دو ڈی ایس پیز سمیت 84 اہلکار شہید ہوئے تھے تاہم بیشتر اہلکار معذور ہو گئے جس کے جسم کے کچھ حصے کاٹ کر ان کو ملبے تلے سے نکالا گیا تھا۔

یہ بھی پڑھیں: پشاور دھماکے میں بھارتی ایجنسی را کے ملوث ہونے کا انکشاف

واضح رہے کہ پشاور میں پولیس لائنز میں مسجد میں ہونے والے خودکش دھماکے کے متعلق تحقیقاتی ٹیم حملہ آور کا سابقہ ریکارڈ حاصل کرنے میں کامیاب ہوگئی تھی۔

اس حوالے سے تحقیقاتی ٹیم کا کہنا تھا کہ ولیس لائنز مسجد کا خودکش حملہ کا نام ایاز مہمند ہے جس نے پہلے بھی دو قتل کیے تھے۔

تحقیقاتی ٹیم نے بتایا کہ حملہ آور نے غلنی کرکٹ گراؤنڈ مہمند میں 2 افراد کو قتل کیا تھا جس کے نتیجے میں لوکل جرگے نے ایاز مہمند کے گھر کو گرانے کا فیصلہ سنایا تھا جس کے بعد سول انتظامیہ اور ایف سی نے اس کے گھر کو مسمار کیا۔ جرگے نے ایاز مہمند کو سیکیورٹی فورسز کے حوالے نہیں کیا تھا۔

تحقیقاتی تیم کا کہنا تھا کہ ایاز کا بھائی عربستان حلیم زئی مہمند کا رہائشی ہے، جماعت الاحرار کا سرگرم کارکن تھا اور 2012 میں سیکیورٹی فورسز کی حراست میں آیا تاہم سال 2018 میں ملزم کو عدالت نے بری کر دیا تھا۔

یہ بھی پڑھیں؛ پشاور حملہ آور کی سہولت کار کیساتھ تصویر بول نیوز نے حاصل کرلی

اس سے قبل انکشاف ہوا تھا کہ دھماکے میں بھارتی ایجنسی را کے ملوث تھا۔

اس حوالے سے ذرائع نے بتایا کہ پولیس لائن مبینہ خودکش حملہ جماعت احرار گروپ نے کیا، منصوبہ بندی اور فنڈنگ دونوں بیرون ملک کی گئیں، حملے کا ماسٹر مائنڈ مکرم عرف سربکف ہے۔

ذرائع کا کہنا تھا کہ پولیس لائن خود کش حملے میں 8 افراد نے سہولت کاری کی، حملے میں استعمال کی گئی موٹر سائیکل 13 بار بیچی گئی۔

یاد رہے کہ پشاورپولیس لائن کی مسجد میں ہونے والے خودکش دھماکے میں جاں بحق افراد کی تعداد 101 ہوگئی تھی جبکہ درجنوں افراد شدید زخمی ہوئے۔

یہ بھی پڑھیں: پشاور دھماکے کے شہداء کی فہرست