پاکستان تحریک انصاف (پی ٹی آئی) کے رہنما فواد چوہدری نے کہا ہے کہ آئین کے ساتھ کھلواڑ ملک کو مہنگا پڑے گا۔

سماجی رابطے کی ویب سائٹ ٹوئٹر پر اپنے جاری کردہ بیان میں سابق وفاقی وزیر فواد چوہدری نے کہا ہے کہ پنجاب میں بیورو کریٹس جو 25 مئی کے واقعات میں شامل تھے اور جن کو دوبارہ نقوی حکومت نے دھاندلی کی نیت سے پنجاب میں تعینات کیا ان سے کہتا ہوں خود پنجاب سے علیحدہ ہو جائیں۔

الیکشن کمیشن کو انتخابات کیلئے آج اجلاس منعقد کرنا چاہئے تھا،آئین اور عدالتی احکامات کو مذاق نہ بنائیں،عدالت کے واضع احکامات کے بعد بھی عام تاثر ہے کہ چونکہ الیکشن کمیشن منشیوں پر مشتمل ہے اسلام آباد کی طرح صوبائ الیکشن بھی نہیں کرائے گا ۔آئین کے ساتھ یہ کھلواڑملک کو مہنگا پڑے گا

— Ch Fawad Hussain (@fawadchaudhry) February 12, 2023

انہوں نے کہا کہ ریاست کے ساتھ اپنے حلف کا پاس کریں ، کسی سیاسی پارٹی کا وفادار اہل کار ثابت کرنا سول سرونٹس کے لئے نامناسب ہے۔

بہت ہوگیا! آئین کی بالادستی کیلئے ہماری تحریک بالکل تیار ہے

پی ٹی آئی رہنما فواد چوہدری نے کہا کہ پی ٹی آئے رہنما نے کہا کہ الیکشن کمیشن کو انتخابات کیلئے آج اجلاس منعقد کرنا چاہیے تھا، آئین اور عدالتی احکامات کو مذاق نہ بنائیں۔

انکا کہنا ہے کہ عدالت کے واضع احکامات کے بعد بھی عام تاثر ہے کہ چونکہ الیکشن کمیشن منشیوں پر مشتمل ہے اسلام آباد کی طرح صوبائی الیکشن بھی نہیں کرائے گا ، آئین کے ساتھ یہ کھلواڑ ملک کو مہنگا پڑے گا۔

سابق وفاقی وزیر نے کہا کہ ہمارے پاس آئین ہی متفقہ دستاویز ہے اگر آئین کو بھی روند دیا گیا تو پاکستان کی ریاست شدید خطرات کا شکار ہو جائے گی۔

فواد چوہدری نے مزید کہا کہ بہت ہو گیا! آئین کی بالادستی کے لئے ہماری تحریک بالکل تیار ہے ، جیل بھرو سے اس تحریک کا آغاز ہو گا اور آئین کی بحالی تک تحریک جاری رہے گی۔