لاہور ہائیکورٹ نے پاکستان تحریک انصاف (پی ٹی آئی) کے 43 اراکین قومی اسمبلی نے  استعفوں کی منظوری کے خلاف درخواست سماعت کیلئے مقرر کرلی۔

تفصیلات کے مطابق لاہور ہائی کورٹ کے جسٹس شاہد کریم نے پی ٹی آئی کے 43 سابق اراکین قومی اسمبلی نے استعفوں کی منظوری کے خلاف درخواست کی سماعت کی۔

درخواست میں الیکشن کمیشن، اسپیکر قومی اسمبلی کو فریق بنایا گیا ہے۔

عدالت میں ریاض فتیانہ، طارق صادق اور نصراللہ خان سمیت دیگر کی جانب سے درخواست دائر کی گئی۔

درخواست میں موقف اختیار کیا گیا کہ استعفوں کی منظوری سے قبل ہی درخواست گزاروں نے اپنے استعفے واپس کے لیے تھے، الیکشن کمیشن نے استعفیٰ واپس لیے جانے کے باجود منظور کرلیا۔

درخواست گزر نے مزید کہا کہ الیکشن کمیشن اور اسپیکر قومی اسمبلی نے غیر آئئنی اور غیر قانونی اقدام کیا ہے۔

درخواست میں استدعا کی گئی کہ عدالت استعفوں کی منظوری غیر قانونی قرار دے، درخواست کے ختمی فیصلے تک ضمنی الیکشن کروانے سے روکا جائے۔

عدالت نے رجسٹرار آفس کے عائد اعتراض ختم کر کے ان کو درخواست سماعت کے لئے مقرر کرنے کی ہدایت کردی۔

خیال رہے کہ 25 جنوری کو اسپیکر قومی اسمبلی کی جانب سے پاکستان تحریک انصاف (پی ٹی آئی) کے مزید 43 اراکین قومی اسمبلی کے استعفے منظور کیے جانے کے بعد الیکشن کمیشن آف پاکستان نے انہیں ڈی نوٹیفائی کردیا تھا۔

الیکشن کمیشن کی جانب سے جن 43 اراکین کو ڈی نوٹیفائی کیا گیا تھا ان میں ریاض فتیانہ، طالب نکئی، یعقوب شیخ، سنیلہ رتھ، غزالی کیفی، فاروق اعظم لک، نفیسہ خٹک، طاہر صادق، صاحبزادہ محمد محبوب سلطان  سمیت حاجی امتیاز چوہدری، زل ہما، نوشین حامد اور غلام بی بی بھروانہ شامل تھے۔

یہ بھی پڑھیں: استعفوں کی منظوری سےمتعلق پی ٹی آئی ارکان اسمبلی کا اسلام آباد ہائیکورٹ سے رجوع