گورنر پنجاب محمد بلیغ الرحمان کی زیر صدارت مشاورتی اجلاس بے سود نکلا، پنجاب میں الیکشن کی تاریخ کا تعین نہ ہوسکا، جس پر پاکستان تحریک انصاف (پی ٹی آئی) کے رہنماؤں کی جانب سے سخت ردعمل کا اظہار کیا گیا۔

سماجی رابطے کی ویب سائٹ ٹوئٹر پر اپنے جاری کردہ بیان میں پی ٹی آئی رہنما فواد چوہدری نے کہا کہ حسب توقع الیکشن کمیشن اور گورنر کے اجلاس میں صرف وقت ضائع کیا گیا۔

حسب توقع الیکشن کمیشن اورگورنر کے اجلاس میں صرف وقت ضائع کیا گیا،پاکستان کے آئین اور ہائیکورٹ کے احکامات کو مذاق بنا دیا گیا ہے آئین کو ردی کتاب کی طرح لیا جا رہا ہے،عوام کی رائے کی کوئ حیثیت ہے نہ اوقات اگر آئین کی بحالی کیلئےعوام سڑکوں پر نہ نکلے تو پاکستان نو آبادی بن جائیگا

— Ch Fawad Hussain (@fawadchaudhry) February 14, 2023

سابق وفاقی وزیر نے کہا کہ پاکستان کے آئین اور ہائی کورٹ کے احکامات کو مذاق بنا دیا گیا ہے آئین کو ردی کی کتاب کی طرح لیا جا رہا ہے۔

فواد چوہدری نے مزید کہا کہ عوام کی رائے کی کوئی حیثیت ہے نہ اوقات اگر آئین کی بحالی کیلئےعوام سڑکوں پر نہ نکلے تو پاکستان نو آبادی بن جائے گا۔

فرخ حبیب

دوسری جانب پی ٹی آئی رہنما فرخ حبیب نے بھی اپنے ٹوئٹر پر کہا کہ الیکشن کمیشن اور گورنر کی آنیاں جانیاں بند کرے، لاہور ہائی کورٹ کا فیصلہ بہت واضح ہے الیکشن کمیشن انتخابات کی تاریخ کا اعلان کرے۔

Advertisement

الیکشن کمیشن اور گورنر کی آنیاں جانیان بند کرے

لاہور ہائیکورٹ کا فیصلہ بہت واضح ہے الیکشن کمیشن انتخابات کی تاریخ کا اعلان کرے۔ چیف جسٹس صاحب نوٹس لے اگر انتخابات جیسے آئینی معاملات پر بھی حکم عدولی ہوتی رہے گی تو عدالتی فیصلوں کا احترام کون کرے گا

— Farrukh Habib (@FarrukhHabibISF) February 14, 2023

انہوں نے کہا کہ چیف جسٹس صاحب نوٹس لیں اگر انتخابات جیسے آئینی معاملات پر بھی حکم عدولی ہوتی رہے گی تو عدالتی فیصلوں کا احترام کون کرے گا۔

انکا کہنا ہے کہ الیکشن کمیشن غیر جانبدار دار فیصلے کرتا تو عزت ہوتی اب کرائے کے 10,20 چمچوں سے فرمائشی پروگرام سے عزت نہیں ہوتی۔

فرخ حبیب نے مزید کہا کہ پی ٹی آئی کا مظاہرہ ہوتا تو ریڈ زون کنٹینرز لگا کر راستے بند کردینے تھے۔

شہباز گل

اس حوالے سے تحریک انصاف کے رہنما شہباز گل نے بھی اپنے جاری کردہ بیان میں کہا کہ الیکشن کمیشن اور گورنر کے انکار کے بعد دونوں نے لاہور ہائیکورٹ کے فیصلے کی کھلی توہین کی ہے۔

الیکشن کمیشن اور گورنر کے انکار کے بعد دونوں نے لاہور ہائیکورٹ کے فیصلے کی کھلی توہین کی ہے۔

توہین عدالت کی پٹیشن اب سے کچھ دیر میں لاہور ہائیکورٹ میں سنی جائے گی۔ انشاللہ الیکشن 90 دن میں ہی ہوں گے کیونکہ آئین اس پر واضح ہے۔

Advertisement

— Dr. Shahbaz GiLL (@SHABAZGIL) February 14, 2023

انہوں نے مزید کہا کہ توہین عدالت کی پٹیشن اب سے کچھ دیر میں لاہور ہائیکورٹ میں سنی جائے گی، انشاللہ الیکشن 90 دن میں ہی ہوں گے کیونکہ آئین اس پر واضح ہے۔

حماد اظہر

اس سے قبل پی ٹی آئی رہنما حماد اظہر نے اپنے بیان میں کہا تھا کہ عمران خان کے خلاف غیر جمہوری سازشوں کی ناکامیوں کی داستاں یہ ہے، 13 جماعتوں کو اکٹھا کر کے رجیم چینج ہوا لیکن عمران مزید مقبول ہوگئے۔

Advertisement

عمران خان کے خلاف غیر جمہوری سازشوں کی ناکامیوں کی داستاں:

– ۱۳ جماعتوں کو اکٹھا کر کے رجیم چینج ہوا لیکن عمران مزید مقبول۔

– پنجاب میں حمزہ کی حکومت بنی لیکن لوٹے الیکشن ہار گئے اور حمزہ فارغ۔

– سپیکر نے مرضی کی نشستوں پر استعفے قبول کئے لیکن عمران وہ ساری سیٹیں جیت گئے۔ 1/3

— Hammad Azhar (@Hammad_Azhar) February 14, 2023

انہوں نے کہا کہ پنجاب میں حمزہ کی حکومت بنی لیکن لوٹے الیکشن ہار گئے اور حمزہ فارغ ہوگئے، اسپیکر نے مرضی کی نشستوں پر استعفے قبول کیے لیکن عمران وہ ساری سیٹیں جیت گئے۔

سابق وفاقی وزیر نے کہا کہ عمران خان کے ساتھیوں پر تشدد اور گرفتاریاں لیکن وہ سب خاموش نہ ہوئے اور قوم کے ہیرو بن گئے، عمران خان کے قتل کی سازش اللہ کے حکم سے ناکام ہو گئی۔

یہ بھی پڑھیں: پنجاب میں الیکشن کی تاریخ کا تعین نہ ہوسکا، اجلاس بے نتیجہ ختم

انکا کہنا ہے کہ پورا زور لگا کہ پنجاب اسمبلی نہ ٹوٹے لیکن 186 کا نمبر پورا ہوا اور پرویز الہیٰ نے اسمبلی تور دی، الیکشن کمیشن کے ذریعے الیکشن نہ کرانے کی کوشش لیکن عدالت نے آئین کے مطابق الیکشن کرانے کا حکم دیا۔

حماد اظہر نے مزید کہا کہ میڈیا پر دباؤ ڈالا گیا لیکن آج عمران کے بدترین مخالف بھی اُس کا دور یاد کرنے پر مجبور ہوگئے، عمران خان کو نقصان نہیں پہنچا لیکن افسوس کہ اس ضد نے ملک کو بہت نقصان پہنچا دیا۔