نگران وزیر اعلیٰ پنجاب کی تعیناتی کے خلاف درخواست کی سماعت کا تحریری فیصلہ

ویب ڈیسک

06th Feb, 2023. 10:02 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نگران وزیر اعلیٰ پنجاب کی تعیناتی کے خلاف درخواست کی سماعت کا تحریری فیصلہ

نگران وزیر اعلیٰ پنجاب کی تعیناتی کے خلاف درخواست کی گزشتہ سماعت کا تحریری فیصلہ جاری ہو گیا۔

تفصیلات کے مطابق لاہور ہائیکورٹ کے جسٹس شاہد کریم نے عبوری تحریری فیصلہ جاری کیا جو کہ دو صفحات پر مشتمل ہے۔

فیصلے کے مطابق وفاقی حکومت، گورنر پنجاب، الیکشن کمیشن اور حکومت پنجاب کو نوٹس جاری کر دیے گئے ہیں، اٹارنی جنرل اور ایڈووکیٹ جنرل 16 فروری کو معاونت کیلئے پیش ہوں، عوامی مسلم لیگ کے سربراہ شیخ رشید کے وکیل اظہر صدیق نے دلائل دیے۔

درخواست میں موقف اپنایا گیا ہے کہ الیکشن کمیشن نے نگران وزیر اعلیٰ تعیناتی میں اپنی آئینی ذمہ داری ادا نہیں کیں، نگران وزیر اعلیٰ سیاسی وابستگیاں رکھتے ہیں، وہ سابق وزیر اعظم عمران خان کے خلاف عدم اعتماد کی تحریک میں متحرک رہے، نگران وزیر اعلیٰ نے کرپشن کا اعتراف کرتے ہوئے نیب کو رقم واپس کی۔

موقف ہے کہ نگران وزیر اعلیٰ شفاف انتخابات کیلئے الیکشن کمیشن کی معاونت کا پابند ہے، الیکشن کمیشن کا سیاسی وابستگی رکھنے والے نگران وزیر اعلیٰ کی تعیناتی کا نوٹیفکیشن نامناسب ہے۔

درخواست میں استدعا کی گئی ہے کہ عدالت نگران وزیر اعلیٰ کو کام سے روکتے ہوئے الیکشن کمیشن کا فیصلہ معطل کرے، عدالت جتنی جلدی ممکن ہو الیکشن کمیشن کا فیصلہ روکتے ہوئے جواب طلب کرے۔