اگر الیکشن کی تاریخ نہ ملی تو جیل بھرو تحریک شروع کریں گے، اسد عمر

ویب ڈیسک

14th Feb, 2023. 06:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اگر الیکشن کی تاریخ نہ ملی تو جیل بھرو تحریک شروع کریں گے، اسد عمر

پی ٹی آئی رہنما اسد عمر نے کہا ہے کہ اگر الیکشن کی تاریخ نہ ملی تو جیل بھرو تحریک شروع کریں گے۔

تفصیلات کے مطابق پی ٹی آئی رہنما اسد عمر نے زمان پارک کے باہر میڈیا سے گفتگو کرتے ہوئے کہا کہ لاہور ہائی کورٹ نے دو ٹوک کہا کہ الیکشن کمیشن تاریخ دیں جبکہ جمعے کو لاہور ہائی کورٹ میں جو فیصلہ کیا تھا اس کو چار روز گزر گئے ہیں۔

انہوں نے کہا کہ پاکستان میں آئینی بحران پیدا ہوچکا ہے، الیکشن سے بھاگنے کیلئے یہ آئین توڑنے کیلئے بھی تیار ہیں۔

ان کا کہنا تھا کہ حکومت اور اس کے ہمدرد عمران خان کو الیکشن میں نہیں دیکھنا چاہتے ہیں، الیکشن کمیشن بھی اپنی آئینی ذمیداری پوری نہیں کررہا ہے۔

یہ بھی پڑھیں؛ توہین الیکشن کمیشن کیس، اسد عمر نے شوکازنوٹس پر جواب جمع کرادیا

ان کا یہ بھی کہنا تھا کہ ہمیں عدلیہ کے اوپر یقین ہے اور ہمارا مطالبہ ہے کہ آج کا دن ختم ہونے سے پہلے الیکشن کی تاریخ کا اعلان ہوں۔

پی ٹی آئی رہنما اسد عمر نے مزید کہا کہ جمعرات کو کے پی کے میں بھی الیکشن کی تاریخ دیں اور اگر الیکشن کی تاریخ نہ ملی تو جیل بھرو تحریک شروع کریں گے۔

یہ بھی پڑھیں؛ الیکشن کی تیاری کریں، بھاگنے کا کوئی راستہ نہیں، اسد عمر