ڈرائیونگ لائسنس بنوانے والوں کے لئے بڑی خوشخبری آ گئی ہے۔

آئی جی پنجاب ڈاکٹر عثمان انور نے ڈرائیونگ لائسنس کے اجراء کا عمل مزید آسان کرنے کیلئے احکامات جاری کردیے۔

شہریوں کی سہولت کیلئے ڈرائیونگ لائسنس ٹیسٹنگ سنٹرز کے اوقات کار میں اضافے کا حکم دے دیا اور ڈرائیونگ لائسنس اجراء کے عمل کو آسان ترین بنانے کیلئے جدید ایپ تیار اور جلد از جلد لانچ کرنے کی ہدایت کر دی ہے۔

آئی جی پنجاب کی ہدایت پر لاہور میں لبرٹی لائسنس سنٹر بھی 20 فروری سے لگا تار 24/7 شہریوں کو خدمات فراہم کرے گا۔

آئی جی پنجاب کی ڈرائیونگ لائسنس اجراء کے عمل کو آسان ترین بنانے کیلئے جدید ایپ تیار اور جلد از جلد لانچ کرنے کی ہدایت کی۔

یہ بھی پڑھیں: ہوم اکنامکس یونیورسٹی لاہور میں ڈرائیونگ لائسنس کیمپ کا انعقاد

آئی جی پنجاب نے ٹریفک وارڈنز کی کارکردگی جانچنے کیلئے ٹریفک چالان کوٹے کی شرط ختم کردی۔

دوران ڈیوٹی شہریوں سے خوشگوار رویہ اور ٹریفک کے ہموار بہاؤ کو یقینی بنانے میں وارڈنز کی مہارت ہی انکی کارکردگی جانچنے کا معیار ہو گی۔

تعلیمی اداروں اور دفاتر میں ٹریفک موبائل ٹیموں کے وزٹ کا ہفتہ وار شیڈول باقاعدگی سے جاری کیا جائے۔

ٹریفک موبائل ٹیموں کے وزٹس کا مقصد شہریوں اور طلباء کو دفاتر کے باربار چکر لگانے کی زحمت سے بچانا ہے۔

صوبہ بھر میں پولیس خدمت مراکز سے بھی شہری ڈرائیونگ لائسنس کی تجدید اور گمشدہ لائسنس کے اجراء کو یقینی بنا سکتے ہیں۔

آئی جی پنجاب کا کہنا ہے کہ پیر 13 فروری سے راولپنڈی، ملتان، فیصل آباد اور گوجرانوالہ میں لائسنسنگ ٹیسٹ سنٹرز ڈبل شفٹ صبح آٹھ سے رات بارہ بجے تک کام کریں گے۔

یہ بھی پڑھیں: پاکستانی شہری ملک میں رہتے ہوئے کس طرح انٹرنیشنل ڈرائیونگ لائسنس حاصل کر سکتے ہیں؟

واضح رہے کہ گزشتہ سال کے لائسنسوں کے اعداد و شمار کے مطابق 2022 میں صوبے کے بڑے شہروں میں مجموعی طور پر 653106 شہریوں نے لائسنس بنوائے۔

وسائل کی کمی کے باعث صوبہ بھر میں صرف 155404 شہری ڈرائیونگ ٹیسٹ دے سکے تھے۔