خیبرپختونخوا کے نگران وزراء کو محکمے تفویض کر دیے گئے۔
تفصیلات کے مطابق سید محسود شاہ کو اسٹیبلشمنٹ، ایدمنسٹریشن اور بین الصوبائی محکمہ جبکہ عبدالحلیم کو وزیر زراعت ولائیوسٹاک، فیشریز اور کوآپریٹو ڈیپارٹمنٹ دیا گیا۔
شاہد خان ٹرانسپورٹ اور آئی ٹی کے وزیر مقرر جبکہ جسٹس ریٹائرڈ قیصر ارشاد محکمہ قانون اور پارلیمانی امورکے علاوہ ہائر ایجوکیشن کے محکمے کی ڈیوٹی سنبھالیں گے۔
محمد علی شاہ کو سی اینڈ ڈبلیو، بخت نواز خان وزیر ماحولیات وجنگلات، منظور خان آفریدی ایکسائزاینڈ ٹیکسیشن اور محکمہ لیبر کے وزیر ہوں گے۔
عدنان جلیل کے پاس انڈسٹری، کامرس، ٹیکنیکل ایجوکیشن اور محکمہ ریونیو کی وزارت ہوں گی۔
شفیع اللہ خان کو محکمہ ہاوسنگ و محکمہ جیل، ایڈوکیٹ سوال نذیر لوکل گورنمنٹ الیکشن اور دیہی ترقیاتی محکمے کے وزیر مقرر کیے گئے ہیں۔
فضل الٰہی کو محکمہ خوراک اور محکمہ آبپاشی کی وزارت دی گئی، تاج محمد آفریدی کو محکمہ ریلیف کا وزیر مقرر کیا گیا جبکہ باقی تمام محکمے وزیر اعلیٰ خیبرپختونخوا کے پاس ہوں گے۔
یہ بھی پڑھیں؛ پنجاب کی نگران کابینہ نے حلف اٹھا لیا، محسن نقوی کی مبارکباد
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News