پاک بحریہ، میری ٹائم سیکیورٹی اور اینٹی نارکوٹک فورس کا مشترکہ آپریشن

ویب ڈیسک

21st Feb, 2023. 02:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک بحریہ، میری ٹائم سیکیورٹی اور اینٹی نارکوٹک فورس کا مشترکہ آپریشن

پاک بحریہ، میری ٹائم سیکیورٹی اور اینٹی نارکوٹک فورس کی جانب سے مشترکہ آپریشن کے دوران اربوں مالیت کی منشیات قبضے مین لے لی گئی ہے۔

اس حوالے سے ترجمان پاک بحریہ کا کہنا ہے کہ پاک بحریہ، پاکستان میری ٹائم سیکیورٹی ایجنسی اور اینٹی نارکوٹک فورس نے سمندر میں انٹیلیجنس کی معلومات کی بنیاد پر مشترکہ انسداد منشیات آپریشن کیا۔

ترجمان نے بتایا کہ آپریشن کے دوران 200 کلوگرام آئس کو قبضے میں لیا گیا، ضبط کی جانے والی منشیات کی قیمت تقریبا 3 ارب روپے ہے۔

ترجمان کا کہنا تھا کہ گرفتار کیے جانے والے اسمگلرز اور ضبط کی جانے والی منشیات کو مزید قانونی کارروائی کیلئے اینٹی نارکاٹک فورس حکام کے سپرد کردیا گیا۔

ترجمان کا کہنا تھا کہ پاک بحریہ دیگر قانون نافذ کرنے والے اداروں کے ساتھ مل کر ملکی سمندری حدود میں غیر قانونی سرگرمیوں کی روک تھام کیلئے اپنی کاوشیں جاری رکھے گی۔

یہ بھی پڑھیں: پاک بحریہ کا انسداد منشیات آپریشن، 2 ارب کی منشیات ضبط