چیف الیکشن کمشنر سکندر سلطان راجہ نے کہا ہے کہ الیکشن کمیشن آئین، قانون اور عدالتی احکامات کا پابند ہے ۔

تفصیلات کے مطابق سپریم کورٹ میں پیشی کے بعد میڈیا نمائندگان کے سوالات کا مسکراتے ہوئے جواد دیتے ہوئے کہا کہ ہم کورٹ میں جواب دیں گے ۔

انہوں نے کہا ہے کہ الیکشن کمیشن آئین، قانون اور عدالتی احکامات کا پابند ہے ۔

خیال رہے کہ سپریم کورٹ میں  سی سی پی او لاہور غلام محمود ڈوگر کی ٹرانسفر کے خلاف درخواست پر سماعت  کے دوران چیف الیکشن کمشنر کو فوری طلب کیا گیا تھا۔

یہ بھی پڑھیں: سپریم کورٹ نے 90 روز میں الیکشن نہ ہونے کو آئین کی خلاف ورزی قرار دے دیا

بعدازاں سماعت مختصر وقفے کت بعد دوبارہ شروع ہوئی  اور چیف الیکشن کمشنر کے پہنچنے تک سماعت ملتوی کر دی گئی ۔

چیف الیکشن کمشنر سپریم کورٹ میں پیش ہوئے جس پر جسٹس اعجاز الاحسن  کا کہنا تھا کہ 90 دن میں الیکشن کرانا کس کہ ذمہ داری ہے۔

اس موقع پر چیف الیکشن کمشن کا کہنا تھا کہ ہم الیکشن کرانے کے لیے تیار ہیں،عدالت اگر چاہتی ہے کہ ہم الیکشن کرائیں اور تبادلے و تقرریوں پر پابندی لگاتی ہے تو ہم نگران حکومت کو تبادلے نہیں کرنے دینگے۔

اس موقع پر سپریم کورٹ نے الیکشن کمیشن سے اہم ریکارڈ طلب کرتے ہوئے فوری طور پر حکومت اور سیکورٹی کے اداروں سے خط و کتابت کا ریکارڈ بھی طلب کرلیا۔

سپریم کورٹ نے الیکشن کی تاریخ نہ دینے پر سخت ریمارکس دیئے اور چیف الیکشن کمشنر کو کل ذاتی حیثیت میں پیش ہونے کا حکم بھی جاری کیا۔

اس موقع پر چیف الیکشن کمشنر کا کہنا تھا کہ مجھے موقع ملا ہے تو کچھ باتیں عدالت کے سامنے رکھنا چاہتا ہوں کہمجھے اپنے اختیارات اور آئینی تقاضے پر عمل کرنے سے روکا جا رہا ہے،آرمی سی سیکورٹی مانگی تو انکار کردیا گیا، عدلیہ سے اراوز مانگے تو انہوں نے انکار کردیا، انتخابات کیلئے پیسہ مانگا اس سے بھی انکار کردیا گیا۔

بعدازاں سپریم کورٹ نے الیکشن کی راہ حائل رکاوٹوں سے متعلق الیکشن کمیشن سے تفصیلی رپورٹ طلب کر لی اور 90 روز میں الیکشن نہ ہونے کو آئین کی خلاف ورزی قرار دے دیا۔

آپ آئین کے ساتھ کھڑے ہوئے تو ہم آپ کے پیچھے کھڑے ہوں گے،  جسٹس اعجاز الاحسن کا چیف الیکشن کمشنر سے مکالمہ۔

بعدازاں چیف الیکشن کمشنر کی کل حاضری سے استثنیٰ کی استدعا مسترد کرتے ہوئے سپریم کورٹ نے کل ذاتی حیثیت میں پیش ہونے کا حکم دے دیا۔