تحریک انصاف کی سینئر رہنما مسرت جمشید چیمہ نے کہا ہے کہ تجربہ کاروں نے ملک دیوالیہ کر دیا ہے اور قومی غیرت بھی خطرے میں ہے۔

سماجی رابطے کی ویب سائٹ پر مسرت جمشید چیمہ  نے  27 فروری کی نسبت سے ایک پیغام جاری کیا ہے۔

آج 27 فروری سرپرائز ڈے ہے. کچھ سال پہلے تک ہم بھارت سے آنکھوں میں آنکھیں ڈال کے بات کرتے تھے. آج تجربہ کاروں نے ملک دیوالیہ کر دیا ہے اور قومی غیرت بھی خطرے میں ہے pic.twitter.com/MWwQFfVIFN

— Musarrat Cheema (@MusarratCheema) February 27, 2023

انہوں نے کہا ہے کہ آج 27 فروری سرپرائز ڈے ہے  اور کچھ سال پہلے تک ہم بھارت سے آنکھوں میں آنکھیں ڈال کے بات کرتے تھے لیکن آج تجربہ کاروں نے ملک دیوالیہ کر دیا ہے اور قومی غیرت بھی خطرے میں ہے ۔

اس حوالے سے ٹوئٹ کرتے ہوئے ساب وزیراعظم عمران خان نے بھی اپنے خیالات کا اظہار کیا ہے۔

انہوں نے کہا ہے کہ 27 فروری 2019 کو ہماری حکومت نے بالاکوٹ پر ہندوستانی فضائی حملے کے جواب دینے کا حکم دیا تھا جس کے تحت پی اے ایف کو مقبوضہ کشمیر میں ہندوستانی اہداف پر حملہ کرنے کا حکم دیا۔

27 Feb 2019 our govt ordered response to Indian air strike on Balakot with PAF air strikes on Indian mly targets in IIOJK & the PAF downed an IAF plane over Pak air space capturing the pilot. We were successful in choosing a limited mly response signalling a clear msg to India.

Advertisement

— Imran Khan (@ImranKhanPTI) February 27, 2023

انہوں نے بتایا کہ پی اے ایف نے طیارے کو مار گرایا تھا اور ایک محدود جوابی حملے کے ذریعے بھارت کو دوٹوک پیغام بھجوانے میں کامیاب رہے تھے۔

خیال رہے کہ 19 فروری 2019 کو وزیراعظم عمران خان نے بھارت کو خبردار کیا کہ ’’حملے کی صورت میں پاکستان جوابی کارروائی کے بارے میں نہیں سوچے گا، وہ جوابی کارروائی کرے گا‘‘۔ اور 27 فروری 2019 کو پاکستان نے عمران خان کی قیادت میں تاریخ رقم کی۔

Advertisement

On 19th February 2019, PM Imran Khan warned India that “In case of attack, Pakistan will not think about retaliating, it will retaliate”. And on 27th February 2019, Pakistan made history under @ImranKhanPTI’s leadership. pic.twitter.com/cOZ6biansk

— PTI (@PTIofficial) February 27, 2023

واضح رہے کہ 27 فروری کا دن پاکستانی عوام  یقیناً سرپرائز ڈے کے نام سے یاد رکھتے ہیں کیونکہ اس دن مشہور آپریشن سوئفٹ ریٹارٹ انجام پایا تھا جسے آج 4 سال مکمل ہوگئے ہیں۔

آج کا دن بھارت کو صدیوں یاد رہے گا کیوں کہ 27 فروری وہ دن ہے جب پاکستان کی آزاد فضاؤں کے محافظ شاہینوں‌ نے دلیری اور شجاعت کی ایک نئی تاریخ‌ رقم کی اور بھارت کو دنیا بھر میں‌ ذلت آمیز شکست کا سامنا کرنا پڑا۔

پاک فضائیہ کے شاہینوں نے دشمن کو منہ توڑ جواب دے کر دنیا کو بتادیا کہ مملکت خداداد کے دفاع کے لیے ہم ہمہ وقت تیار ہیں۔

پاکستان نے بڑے پن کا مظاہرہ کرتے ہوئے جذبہ خیرسگالی کے تحت پائلٹ ابھی نندن کو بھارت کو واپس کردیا تھا۔