وفاقی وزیر منصوبہ بندی و ترقی پروفیسر احسن اقبال نے کہا ہے کہ آنے والے وقتوں میں فوڈ سیکیورٹی کا خدشہ ہوگا۔

احسن اقبال نے اسلام آباد میں تقریب سے خطاب کرتے ہوئے کہا کہ اس سالانہ تقریب کو جاری رکھنے پر نعیم قریشی کو مبارکباد دیتا ہوں۔

انہوں نے کہا کہ ملک کی ترقی میں بزنس انٹرپرائز کا کردار ہوتا ہے، جو بزنس اپنی کامیابی اور منافے میں اپنے ملازمین اور کمیونٹی میں دوبارہ واپس لوٹانے کی صلاحیت رکھتی ہیں، وہ اچھی ثابت ہوتی ہیں۔

وفاقی وزیر نے کہا کہ دنیا میں سوشل رسپونسبلٹی کا شور اس وقت مچا جب چائلڈ لیبر کا دباؤ پڑنے لگا۔

پاکستان دنیا میں موسمیاتی تبدیلی کے حوالے سے چیلجنگ ہے

انکا کہنا ہے کہ پاکستان دنیا میں موسمیاتی تبدیلی کے حوالے سے چیلجنگ ہے، ہماری نسل اور ہمارا دور آنے والی نسل کے لیے ایکو سسٹم کو خراب کر کے جا رہا ہے، جس سے آنے والے وقتوں میں فوڈ سیکیورٹی کا خدشہ ہوگا۔

احسن اقبال نے کہا کہ تمام کارپوریشن اس بات پر قمر بستہ ہیں کہ دنیا کی ماحول دوست پالیسیوں کو اپنائیں، ہم کس طریقے سے تعلیم کے شعبوں میں سسٹین ایبل ڈویلپمنٹ پالیسی اپنا سکتے ہیں، تاکہ خاندان کے تمام لوگ بچوں سمیت اعلیٰ تعلیم حاصل کر سکیں۔

انہوں نے کہا کہ دنیا کی سٹڈی ہے کہ جب کسی ملازم کا ذہنی سکون ہوتا ہے تو پروڈکٹوٹی اور کارکردگی اچھی ہوتی ہے۔

وفاقی وزیر نے کہا کہ تمام ایوارڈ حاصل کرنے والوں کو مبارکباد پیش کرتا ہوں، میرے یہاں آنے کا مقصد یہ ہے کہ یہاں کارپوریٹ کمیونٹی بیٹھی ہے۔

احسن اقبال نے مزید کہا کہ ہم نے اب غور کرنا ہے کہ ہم کہاں بیٹھے ہیں اور آگے کیا راستہ ہے، 75 سالوں میں ہماری دو ناکامیاں ہیں، پاکستان میں کسی صلاحیت کی کمی نہیں تھی، اقتصادی اصلاحات کے بعد ہندوستان میں ہر حکومت نے دو دو دور حکومت کے گزارے ہیں۔

احسن اقبال اور سی ایس آر کے درمیان تلخ کلامی

دوسری جانب تقریب کے دوران وفاقی وزیر اور سی ایس آر کے درمیان تلخ کلامی شروع ہوگئی۔

سی ایس آر نے وفاقی وزیر کو کہا کہ پالیسیاں تو آپ ہی بناتے ہیں، جب پالیسیاں آپ بناتے ہیں تو آپ یہ کیوں باتیں کر رہے ہیں۔ جس پر احسن اقبال نے کہا کہ  آپ آ جائیں، آپ آ کر بات کرلیں۔

یہ بھی پڑھیں: پاکستان اس وقت معاشی بحران سے گزر رہا ہے، احسن اقبال