اسلام آباد ہائیکورٹ نے موچکو اور لسبیلہ میں شیخ رشید کیخلاف درج مقدمات پر کارروائی کرنے سے روک دیا

ویب ڈیسک

06th Feb, 2023. 10:14 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

اسلام آباد ہائیکورٹ نے موچکو اور لسبیلہ میں شیخ رشید کیخلاف درج مقدمات پر کارروائی کرنے سے روک دیا
پاکستان نے فضائی حملے میں 3 افغان کرکٹرز کی ہلاکت سے متعلق آئی سی سی کا بیان مسترد کردیا
دوحہ مذاکرات کا پہلا دور مکمل، پاکستان نے افغانستان سے حملے ناقابل قبول قرار دیدے
پاکستان نے افغانستان میں موجود گل بہادر گروپ کے 70 سے زائد خارجی واصل جہنم کر دیے

Now Reading:

اسلام آباد ہائیکورٹ نے موچکو اور لسبیلہ میں شیخ رشید کیخلاف درج مقدمات پر کارروائی کرنے سے روک دیا

اسلام آباد ہائیکورٹ نے موچکو اور لسبیلہ میں سابق وفاقی وزیر شیخ رشید کے خلاف درج مقدمات پر کارروائی کرنے سے روک دیا ہے۔

تفصیلات کے مطابق شیخ رشید کی درخواست ضمانت پر سماعت جوڈیشل مجسٹریٹ عمر شبیر نے کی جو کہ اب 12 بجے تک ملتوی ہو گئی ہے۔

شیخ رشید کے وکلاء نے درخواست ضمانت پر دلائل دیے جبکہ سرکاری وکلاء کے نمائندے نے دلائل کے لئے مہلت طلب کی جس پر سماعت میں 12 بجے تک وقفہ کر دیا گیا ہے۔

شیخ رشید کے خلاف کراچی میں درج مقدمے کا معاملہ

کراچی پولیس کے تفتیشی اور پراسیکیوٹر محمد انور عدالت میں پیش ہوئے۔

پراسیکیوٹر نے شیخ رشید کے راہداری ریمانڈ کی استدعا کی، عدالت نے راہداری ریمانڈ کی استدعا مسترد کر دی۔

عدالت نے پراسیکیوٹر کو جیل میں تفتیش کی اجازت دے دی۔

پراسیکیوٹر نے جج سے مکالمہ کرتے ہوئے کہا کہ تفتیش کے لئے دورانیہ کیا ہو گا؟

عدالت نے ریمارکس دیتے ہوئے کہا کہ آپ پراسیکیوٹر ہیں آپ کو قانون نکات کا علم ہونا چاہیے۔

کراچی پولیس شیخ رشید سے تفتیش کے لئے جیل روانہ ہو گئی۔