پنجاب میں ٹورازم کو فروغ دینے کیلئے کوریا کے تجربے سے فائدہ اٹھانا چاہتے ہیں، محسن نقوی

عارف سعید

11th Feb, 2023. 09:53 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پنجاب میں ٹورازم کو فروغ دینے کیلئے کوریا کے تجربے سے فائدہ اٹھانا چاہتے ہیں، محسن نقوی

نگران وزیر اعلیٰ پنجاب محسن نقوی نے کہا ہے کہ پنجاب میں ٹورازم کو فروغ دینے کیلئے کوریا کے تجربے سے فائدہ اٹھانا چاہتے ہیں۔

تفصیلات کے مطابق نگران وزیر اعلیٰ پنجاب محسن نقوی سے کوریا کے سفیر سووسنگپیو کی ملاقات ہوئی جس میں باہمی دلچسپی کےامور، تجارتی تعلقات میں اضافے، سیاحت، ثقافت میں تعاون بڑھانے پر تبادلہ خیال ہوا۔

محسن نقوی نے اس موقع پر کہا کہ پاکستان اور کوریا کے درمیان بہترین دوستانہ اور معاشی روابط موجود ہیں، دوطرفہ وفود کے زیادہ تبادلوں سے باہمی تعلقات کو فروغ دیا جا سکتا ہے۔

یہ بھی پڑھیں؛ نگراں وزیر اعلیٰ پنجاب محسن نقوی کے خلاف ایک اور درخواست دائر

ان کا کہنا تھا کہ ثقافت اور سیاحت کے شعبوں میں تعاون کے بہت مواقع موجود ہیں، ٹیکسلا اور ہڑپہ جیسے مقامات کوریا سے ٹورسٹ کو اپنی طرف متوجہ کر سکتے ہیں، پنجاب میں ٹورازم کو فروغ دینے کیلئے کوریا کے تجربے سے فائدہ اٹھانا چاہتے ہیں۔

کورین سفیر کا کہنا تھا کہ پاکستان ایک مہمان نواز ملک ہے، پاکستان کے ساتھ تعلقات کو مزید فروغ دینے کے خواہاں ہیں۔