کوئٹہ: وزیر اعلیٰ بلوچستان میر عبدالقدوس بزنجو کی جانب سے ترکیہ اور شام کے زلزلہ متاثرین کیلئے ریلیف فنڈ کے قیام کی منظوری دے دی گئی ہے۔
وزیراعلیٰ عبدالقدوس بزنجو نے زلزلہ متاثرین کیلئے ریلیف فنڈ کے قیام کی منظوری محکمہ خزانہ کی جانب سے ارسال کی گئی سمری پر دی۔
ریلیف فںڈ کا مائنر ہیڈ G 121 میجر ہیڈ G 12 اور مکمل ہیڈ G 12166 ہے، عوام الناس اور مخیر حضرات اس اکاؤنٹ میں اپنے عطیات جمع کرا سکتے ہیں۔
وزیر اعلیٰ بلوچستان، صوبائی وزراء، پارلیمانی سیکریٹری اور اراکین صوبائی اسمبلی اپنی ایک ماہ کی تنخواہ عطیہ کرینگے۔
اس کے علاوہ گریڈ 20 اور اس سے اوپر کے افسران اپنی بنیادی تنخواہ کا نصف عطیہ کرینگے جبکہ گریڈ 1 تا 19 کے اہلکار و افسران بھی اپنی بنیادی تنخواہ سے ایک دن کی تنخواہ عطیہ کرینگے۔
وزیر اعلیٰ سیکریٹریٹ سمیت صوبہ بھر کی مساجد میں نماز جمعہ میں ترکیہ اور شام کے زلزلہ متاثرین کے لئے خصوصی دعاؤں کا اہتمام کیا گیا ہے۔
واضح رہے کہ علماء کرام کی جانب سے عوام الناس سے ریلیف فںڈ میں دل کھول کر عطیات دینے کے اپیل کی گئی ہے۔
ترکیہ کے زلزلہ متاثرین کی امداد کیلئے وزیراعظم ریلیف فنڈ قائم
چند روز قبل ترکیہ کے زلزلہ متاثرین کی امداد کیلئے وزیراعظم ریلیف فنڈ قائم کردیا گیا ہے۔
وزیراعظم شہباز شریف کی زیر صدارت وفاقی کابینہ کے اجلاس میں ’وزیراعظم ریلیف فنڈ‘ قائم کرنے کا فیصلہ کیا گیا ہے۔
اس فیصلے کی پیش نظر اراکان کابینہ کی جانب سے ایک ماہ کی تنخواہ ریلیف فنڈ میں دینے کا اعلان کیا گیا ہے جبکہ وزیراعظم نے بھی خیر حضرات سے امداد کی اپیل کی ہے۔
اس موقع پر وزیراعظم کا کہنا تھا کہ زلزلے کی تباہی سے نمٹنے میں پاکستان ترکیہ کی حکومت اور عوام کے ساتھ بھرپور تعاون کرے گا۔
یہ بھی پڑھیں: زلزلے کی تباہی سے نمٹنے میں ترکیہ کے ساتھ بھرپور تعاون کیا جائیگا، وزیر اعظم
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News