پاکستان تحریک انصاف کے وائس چیئرمین شاہ محمود قریشی نے کہا ہے کہ ملک کے شہری اور تاجر سب پریشان ہیں، عام شہریوں کے حقوق پامال ہو رہے ہیں، ان حالات میں ہم خاموش نہیں رہ سکتے ہیں۔

تفصیلات کے مطابق سابق وفاقی وزیر شاہ محمود قریشی نے میڈیا سے گفتگو  کرتے ہوئے کہا کہ جیل بھرو تحریک ملک بھر میں پھیلے گی، اس تحریک کا مقصد پرامن احتجاج ہے اور ان قوتوں کو باور کروانا ہے جو آئین شکنی کر رہی ہیں۔

تحریک انصاف کی جیل بھرو تحریک کا لاہور سے آغاز ہوگا

Advertisement

دفعہ 144 کا نفاذ بلاجواز ہے، پر امن احتجاج ہمارا حق ہے
شاہ محمود قریشی کی خصوصی گفتگو #JhelBharoTehreek #BOLNews @SMQureshiPTI pic.twitter.com/dP9GERTUa1

— BOL Network (@BOLNETWORK) February 22, 2023

انہوں نے کہا کہ صدر مملکت کی جانب سے الیکشن کی تاریخ کا اعلان کرنے پر رخنہ ڈالا جا رہا ہے، ان کو تنقید کا نشانہ بنایا گیا جبکہ انہوں نے کوئی غیر آئینی بات نہیں کی، انہوں نے اپنی آئینی ذمہ داری پوری کی ہے اور آئینی کردار میں رکاوٹ ڈالنے والوں کو ان کی ذمہ داری کا احساس دلایا ہے۔

انہوں نے مزید کہا کہ یہاں عام شہریوں کے حقوق پامال ہو رہے ہیں، مہنگائی پاکستان کی تاریخ میں نئی حدود کو چھو رہی ہے جس کی وجہ سے ملک کے شہری اور تاجر سب پریشان ہیں اور ان حالات میں ہم خاموش نہیں رہ سکتے ہیں۔

شاہ محمود قریشی کا کہنا تھا کہ پی ٹی آئی رہنماؤں اور کارکنوں پر جھوٹے مقدمات درج کیے گئے ہیں لیکن بطوروائس چیئرمین ازخود گرفتاری دینے کیلئے آیا ہوں اور سابق گورنر اور دیگر رہنما بھی گرفتاری دینے کیلئے تیار ہیں۔

ان کا کہنا تھا کہ جیل بھرو تحریک کا آغاز پاکستان کے دل لاہور سے ہورہا ہے  جس میں پارٹی قائدین، 200 کارکن رضاکارانہ گرفتاری دیں گے۔

اس موقع پر اسد عمر نے کہا کہ ایساپاکستان چاہتےہیں جہاں عوام فیصلےکریں، کوئی طاقت 22 کروڑعوام کے فیصلے کو نہیں روک سکتی۔

جیل بھرو تحریک

پاکستان تحریک انصاف کی جیل بھرو تحریک  کا پہلا مرحلہ آج لاہور سے شروع ہوگا، شاہ محمود قریشی، عمر سرفراز اور ولید اقبال سمیت 200 پارٹی کارکن پولیس کے حوالے کر دیں گے۔

پی ٹی آئی کے کارکنوں نے اپنے چیئرمین کی ہدایت پر جیل جانے کی بھرپور تیاریاں کر لی ہیں۔

زمان پارک میں لوگوں کی بڑی تعداد جمع ہے۔

خواتین کارکنان بھی عدالتی گرفتاری کے لیے تیار ہیں۔

پی ٹی آئی کے کارکن پرامید ہیں کہ جب ’عوام کا سمندر‘ حکام کے سامنے ہتھیار ڈال دے گا تو جیلیں بھر جائیں گی اور مزید لوگوں کو لے جانے کی جگہ نہیں ہوگی۔

یہ بھی پڑھیں: صوبہ پنجاب میں دفعہ 144 کا نفاذ، پی ٹی آئی کارکنان کو گرفتار کئے جانے کا امکان