سردار تنویر الیاس نے کہا ہے کہ نوجوان کسی ملک اور قوم کا قیمتی اثاثہ ہوتے ہیں۔

 تفصیلات کے مطابق وزیراعظم آزاد کشمیر سردار تنویر الیاس نے میڈیا سے گفتگو کرتے ہوئے کہا کہ نوجوانوں کو اتنا با صلاحیت اور ہنر مند بنائیں گے کہ ان کو نوکری کرنے کیلئے کسی کہ پیچھے نہ بھاگنا پڑے۔

انہوں نے کہا کہ آزاد کشمیر کے نوجوانوں باصلاحیت ہیں، ہماری حکومت کی اولین ترجیح نوجوانوں اور خواتین کو ہنر مند بنانا ہے تاکہ وہ اپنے پاوں پر کھڑے ہو سکیں۔

وزیراعظم آزاد کشمیر کا کہنا تھا کہ نوجوان کسی ملک اور قوم کا قیمتی اثاثہ ہوتے ہیں، عمران خان کے ویژن کے مطابق آزاد کشمیر کے نوجوانوں  کو روزگار کے مواقع فراہم کر رہے ہیں۔

ان کا یہ بھی کہنا تھا کہ آزاد کشمیر کے نوجوان ساری دنیا میں جا کر کام کر رہے ہیں اور اپنی صلاحیتوں کا لوہا منوا رہے ہیں، ایما زون آن لائن جاب سے نوجوانوں کو روزگار فراہم ہوگا۔

تنویر الیاس نے کہا کہ نوجوانوں کو آسان شرائط پر قرضے فراہم کریں گے تاکہ وہ معاشی طور پر خود کفیل ہوں اور دوسروں کو بھی روزگار مہیا کرسکیں۔

انہوں نے یہ بھی کہا کہ حکومت آزاد کشمیر نوجوان کو تمام تیر سہولیات مہیا کرے گی، ہماری خوشی قسمتی ہے کہ ہمارے ملک میں نوجوان کی تعداد زیادہ ہے۔

 وزیراعظم آزاد کشمیر سردار تنویر الیاس نے مزید کہا کہ ملک کی سلامتی اور سیکورٹی پر کوئی سمجھوتا نہیں کریں گے۔کشمیر کے نوجوان میری اس اور امید ہیں، ان سے بڑی توقعات وابستہ ہیں، حکومت آپ کی امیدوں کو نہیں ٹوٹنے دے گی آنے والے دنوں میں اذادکشمیر کے نوجوان اپنے پاؤں پر کھڑے ہونگے۔