کے الیکٹرک نے آئندہ 7 سال میں 484 ارب روپے سرمایہ کاری کا منصوبہ جاری کردیا ہے۔

تفصیلات کے مطابق سرمایہ کاری کا منصوبہ حکومت کی توانائی اور نیپرا کی پالیسی کو مد نظر رکھ کر تیار کیا گیا ہے۔

کے الیکٹرک نے نیپرامیں اپنا اجارہ داری ختم کرتے ہوئے ہر بجلی کے ہر شعبے میں مسابقت کے لئے منصوبہ بندی کی ہے۔

کے الیکٹرک نے سرمایہ کاری پلان کے حوالے سے 4 الگ الگ درخواستیں نیپرا میں جمع کرائی ہیں۔

نیپرا 1 مارچ کو کے الیکٹرک کے سرمایہ کاری منصوبے کی عوامی سماعت کرے گا۔

کے الیکٹرک آئندہ بجلی کے پیداواری یونٹس حکومت کی آئی پی پی پالیسی کے تحت لگائے گی۔

سال 2030 تک کے الیکٹرک کے صارفین تعداد 30 فیصد سے بڑھ کر 50 لاکھ ہوجانے کا تخمینہ ہے اور سال 2030 تک شہر اور اطراف میں بجلی کی طلب 5000 میگا واٹ سے تجاوز کر جائے گی۔

آئندہ 7 سال میں کے الیکٹرک 1182 میگاواٹ بجلی متبادل زرائع سے حاصل کرے گی اور کے الیکٹرک 900 میگاواٹ شمسی، 200 میگاواٹ ونڈ اور ہائیڈرل 82 میگاواٹ بجلی سسٹم میں شامل کرے گی۔

کے الیکٹرک نے تھری گور جس چائینا کے ساتھ متبادل بجلی پراجیکٹس پر کام کرنے کے لئے معاہدہ کر لیا ہے۔

سال 2030میں بجلی کی پیداواری میں درآمدی ایندھن کی شرح کو کم کرکے، فیصد مقامی فیصد متبادل زرائع کو ترجیح دی جائیگی۔